"BTA Bank" AQ qashqyn biznesmen Muhtar Ábliazovtiń qaryndasymen sottasyp, 6,6 million dollar tóletkizetin boldy. Bul týraly aqparatty kompaniianyń baspasóz qyzmeti jariialady, dep jazady Sputnik agenttigi.
Ferfaks (Virdjiniia shtaty, AQSh) okrýgtik soty BTA Bank pen syrtqy basqarýshylardyń paidasyna sheshim qabyldady.
"Sot Gaýhar Qusaiynovanyń Ferfaks okrýgi men Aleksandriia qalasyndaǵy (AQSh) 6 598 313 AQSh dollary turatyn jyljymaityn múlkin tárkileýge sheshim shyǵardy", - delingen habarlama.
Ábliazovtiń qaryndasynyń isi
BTA Bank 2016 jyldyń 13 maýsymynda keltirilgen shyǵyndy óteý jáne basqa da talaptardy qanaǵattandyrý úshin Gaýhar Qusaiynovany okrýgtik sotqa berdi.
Bank málimetinshe, Muhtar Ábliazov qymqyrǵan qarajattyń bir bóligin týǵan qaryndasynyń atyna zańsyz aýdarǵan. Áiel qarajatty óz qajetine jaratyp, AQSh-tan birneshe qymbat jyljymaityn múlik satyp alady.
BTA Bankten keiin 2016 jyldyń tamyzynda Muhtar Ábliazovtiń aktivterin syrttai basqarýǵa aǵylshyn soty taǵaiyndaǵan Djon Milsom men Devid Stendish sotqa dál sondai shaǵym túsirdi.
"Syrtqy basqarýshylardyń aryz túsirýine negiz bolǵan jait – Gaýhar Qusaiynova qarajattyń basym bóligin Muhtar Ábliazovpen úlestes Denmar Assets Management jáne Devesta Limited kompaniialary arqyly syrtqy basqarýshylar basqaratyn aktivter men aktivterge tyiym salý týraly buiryqqa engize otyryp alǵan", - delingen habarlamada.
BTA Bank pen syrtqy basqarýshylar 2017 jyldyń 19 sáýirinde sotqa aryzdardy biriktirý týraly qoldaýhat tapsyrdy.
Ábliazovtiń isi qaida qaralyp jatyr?
Qazirde Muhtar Ábliazov pen onyń sybailastaryna qarsy sot protsesteri Qazaqstanda ǵana emes, Resei, Ýkraina, Ulybritaniia, AQSh jáne Frantsiiada júrip jatyr.
Almatynyń bilik ókilderi men BTA Bank málimdegendei, AQSh prezidenti Donald Tramptyń burynǵy seriktesi Feliks Sater Muhtar Ábliazov pen Iliias Hrapýnovqa jarty milliard dollarǵa jýyq aqshany jylystaýǵa kómektesken.
BTA Bank 2015 jyldyń maýsymynda bank litsenziiasyn ótkizip, Qazaqstannyń bank júiesinen shyqty. BTA Banktiń negizgi aktsionerleri - Kazkommertsbank (46,5%), al 2018 jyly birikkennen keiin - Halyk Bank pen qazaqstandyq biznesmen Keńes Raqyshev (46,5%).
