Niý-Iork qalasynyń soty Muhtar Ábliazovke Almaty ákimdigi men BTA bankiniń advokattyq qyzmet shyǵyndary úshin 140 115,60 AQSh dollaryn tóleýdi mindetteitin qosymsha sanktsiialar qoldaný týraly sheshim qabyldady.
Niý-Iork sotynyń sheshimi týraly Qazaqstannyń ádilet ministrligi habarlady.
"2019 jyldyń shildesinde sot aryzdanýshylardyń Ábiliazovke qatysty sot protsesine qatyspaǵany jáne dáleldelderdi jariialamaǵany úshin qosymsha sanktsiialar talap etýin qanaǵattandyrdy. Sonymen qatar, alqabilerdiń qatysýymen ótetin aldaǵy sot otyrysynda Ábliazovke ózin aqtaý úshin jańa aiǵaqtar usynýǵa ruqsat bermeýge keńes berdi. Bul sanktsiia alqabiler soty úshin Ábliazov óz kinásin dáleldeitin dáiekterdi jasyrǵanyn kórsetetin nusqaýlyq bolyp tabylady", - delingen ádilet ministrliginiń resmi saitynda.
Sondai-aq, ministrliktiń habarlaýynsha, sot aryzdanýshylardyń advokattarǵa jumsaǵan shyǵyn týraly ýájderin eskergen.
"2020 jyldyń 7 aqpanynda sot Ábliazovten 140 115,6 AQSh dollaryn óndirip alý týraly sheshim shyǵardy", - dedi ministrliktegiler.
Endi qashqyn qashqyn bankir bul aqshany biylǵy jyldyń 7 mamyryna deiin tóleýi tiis.
Muhtar Ábliazovke qatysty sot AQSh-ta tórt jyl buryn bastalǵan bolatyn. Ol AQSh aýmaǵynda aqsha jymqyrdy degen kúdikke ilinip otyr. Aryzdanýshylar - Almaty qalasynyń ákimdigi men BTA bank, olar tiisti dálelder jinap, kýágerler tapqan.
2018 jyldyń sońynda bankir Erjan Tátishevti óltirýdi uiymdastyrǵany úshin Ábliazov syrttai ómir boiyna bas bostandyǵynan aiyryldy.
