Halyq jazýshysy, memleket jáne qoǵam qairatkeri Ábish Kekilbaevtyń týǵan kúni qarsańynda aýyly Ondyda eńseli eskertkish boi kóterdi, – dep habarlaidy "Ult aqparat".
Ádebiettiń alyby, kemeńger tulǵanyń keń keýdesi men kelisti kelbetin beinelegen eskertkish ózi bilim alǵan orta mekteptiń aýlasynda ornalasqan.
Abyzdyń eskertkishi Almaty qalasynda daiyndalǵan. Arnaiy qashalyp jasalǵan músin tuǵyrynyń biiktigi 1.70 m. Eni - 1 metr. Qalyńdyǵy - 70 sm. Biiktigi - 1.40 metrdi quraidy. Igi sharaǵa oblys ákimi Serikbai Trumov, óńirdiń aqsaqaldary, jazýshynyń týystary men úzeńgiles dostary qatysty.
Ashylý saltanatynda sóz alǵan aimaq basshysy Ábish Kekilbaiulynyń 80 jyldyǵyna arnalǵan is-shara jyl sońyna deiin jalǵasatynyn aitty.
Aita keteiik, elordamyz Nur-Sultan qalasynda da Ábish Kekilbaiulynyń týǵan kúnine orai birneshe shara uiymdastyrylýda.
