Rejisser Jańabek Jetirýovtyń «Shyńyraý» kórkem filmi Reseide ótetin XXVII Halyqaralyq «Ádebiet jáne kino» kinofestivaliniń negizgi baiqaýyna qatysady, dep habarlaidy Sh.Aimanov atyndaǵy «Qazaqfilm» kolmpaniiasynyń baspasóz qyzmeti.
Gatchina qalasynda qyrkúiektiń 24-i men qazannyń 2-si aralyǵynda ótetin festival sheńberinde ádebi negizi bar, jazýshylardyń shyǵarmalary jelisimen túsirilgen kinotýyndylar ǵana kórsetiletinin aita ketken jón.
Esterińizge sala ketsek, Ábish Kekilbaevtyń povesi «Shyńyraýdyń» jelisi boiynsha túsirilgen kartina qudyq qazýshy Eńseptiń oqiǵasyn baiandai otyryp, menmendik, baqtalastyq, mahabbat, dostyq, qastandyq syndy adamǵa tán qubylystardy kóteredi.
«Ábish Kekilbaevtyń «Shyńyraý» povesi jelisimen túsirilgen film dúniejúzine esimderi belgili Tolstoi, Chehov, Dostoevskii, Kafka siiaqty uly jazýshylardyń shyǵarmasy boiynsha túsirilgen filmdermen bir konkýrstyq baǵdarlamada kórsetiletinine qýanyshtymyn», - dedi rejisser Jańabek Jetirýov.
Aita ketsek, «Ádebiet jáne kino» kinofestivali eń alǵash 27 jyl buryn 1995 jyly Gatchina qalasynda ótken bolatyn. Festival sheńberinde jyl saiyn reseilik jáne álemdik jańa filmder kórsetiledi.
Qyrkúiektiń 24-de atalǵan festival Aleksei Telnovtyń «Arhipelag» filmimen ashylady. Negizgi baiqaýǵa barlyǵy 24 týyndy qatysady.
QR Mádeniet jáne sport ministrligi tapsyrysy boiynsha Sh.Aimanov atyndaǵy «Qazaqfilm» AQ túsirgen «Shyńyraý» kórkem filmi qyrkúiektiń 28-i kúni saǵat 19:00-de «Pobeda» kinokontsert zalynda (Gatchina q-sy, 25-shi Oktiabr kósh., 5 úi) kórsetiledi.
