Kei azamattar jekeme shyǵyp, al nómirimdi biletinder ýatsap arqyly «Býlat Abilovqa qatysty sot ne boldy» - dep surap jatyr. Buǵan osy kezge deiin seriialy túrde posttar jariialap kele jatyp, kilt úzip tastaǵanym da áser etse kerek. Oǵan sebep – Prezident biyl óz Joldaýynda merziminen buryn sailaý bolatynyn aityp, barlyǵynyń nazary sol jaqqa aýyp ketkesin, quiysqanǵa qystyrylǵandai bolmaiyn dep oilaǵam. Sóitsem, Abilov taqyryby kópshilikke áli qyzyq eken.
Sondyqtan kóp sozbai, qysqa-nusqa, eshqandai emotsiiasyz, meilinshe tolyq aqparat bere keteiin de, doǵaraiyn.
Sonymen, men ne úshin sotqa júginýge májbúr boldym? Nazarlaryńyzǵa eki videodan úzindi usynamyn. Birinshisinde Abilov interviý berip otyryp, meni jáne Amanat komissiiasyn kórineý qaralaidy, iaǵni jala jabady.
Áýeli, júrgizýshiniń suraǵyna orai «Abzal Quspan jáne Aiman Ýmarova - biliktiń, Úkimettiń qyzyl advokattary» - dep alady da, oǵan dálel retinde myna sózderdi aitady (sózbe-sóz);
«Onyń aitqan sózi, kameraǵa aitqan sózi, Qosaidyń ol aýrýhanada jatqanda, aýrýhanaǵa politsiia kelip, olardy túrmege alyp keldi, anaý jerge tastap urdy, soqty, pytkany jasady da, sol qańtar aiynda dala sýyq qoi, tereze syndyrǵan ashyq, 15 adam, kamera 5 adamǵa, jerde jatyr. Sol kúnde (!) esik ashylyp advokat tur – Abzal Quspan. Men sondai adammyn, mine prokýror qasymda, politsiia qasymda qandai jaloba. Biz bárin aittyq, betine aittyq, Abzaldyń betine. Ol jazdy birdeńe, esik jabyldy, bitti! Eshteme ózgergen joq! Pytka, jerde jatyr, tamaq bermeidi, sý bermeidi. Mine, bul ne?».
Myna sózderdi tyńdaǵan adam bizdi, iaǵni komissiiany adamdardy uryp jatqan sátte kameraǵa kelip, eshqandai kómek kórsetpesten ketip qaldy jáne biz ketkennen keiin de azaptaý jalǵasqan dep týra túsinedi, solai ǵoi?!
Al endi, ekinshi videoda sol Abilov silteme jasaǵan «Qańtar» qorynyń uiymdastyrǵan press-konferentsiiasynda Qosai Mahanbaevtyń aitqany, oǵan sáikes: uryp soǵý 8 qańtarda oryn alǵan, 3 kún boiy, iaǵni 11 qańtarǵa deiin as-sý bermegen, 15 qańtarǵa deiin salqyn jerde jatqan, al men bastaǵan komissiia 25 qańtarda kirgenbiz. Sol kezde ol osy jaǵdaidyń bárin bizge aitqan.
Biraq kópshilikke taratqan aqparatynda Býlat Abilov bizdi tek qana «biliktiń adamy», «qyzyl advokat» dep aitqany úshin sotqa berdi dep kórsetti. Shyndyǵynda, sotqa júginýimizdiń eń negizgi sebebi Qosai aitty dep bizdi el aldynda qaralaýy bolatyn jáne ol tek maǵan emes, búkil komissiiamyzǵa jabylǵan jala edi.
Ótken aptada Almaty qalalyq sotynda Abilovtyń sot Qaýlysyna shaǵymy qaraldy. Eń qyzyǵy, Bókeń óz sózderiniń dáleli retinde osy men jalǵaǵan Qosaidyń videosyn jalǵapty!
Biz óz kezegimizde Qosai Mahanbaevtyń aitqandaryn tolyq rastaimyz, ol týraly birinshi satydaǵy sotta da, keshegi apelliatsiialyq alqaǵa da aittyq. Jáne Qosaidyń málimdemesinen keiin, araǵa 5 kún salyp, QR Bas Prokýroryna qorlaý faktileri boiynsha hatta joldadyq. Qorlaý faktileri týraly hatymyzda birinshi bolyp sol Qosaidyń aitqandaryna silteme jasadyq. Bas Prokýror tarapynan qorlaý faktisimen qylmystyq is qozǵalǵany týraly jaýap keldi. Osynyń bári sotqa bizdiń tarapymyzdan dálel retinde usynyldy. Nátijesinde, ákimshilik sot sheshimi ózgerissiz qaldyryldy, sheshim kúshine endi.
Biraq Býlat Abilov osynyń bárin kóre-bile tura, óz sózinen bas tartpaitynyn aityp, bizdiń komissiianyń dál sol tutqyndardy uryp-soǵyp, qorlap jatqan sátin dáleldeimin dep tabandap turyp aldy. Dálel usyna almai sot tarapynan aiyppul salynsa, «bilik oppozitsiiaǵa qysym jasaýda» dep oibailaidy. Eger ol «Qosaidyń aitqandaryn qate túsinippin» - dep, óz aitqanynan bas tartsa, eshteńe de bolmas edi. Tipti, bizge onyń keshirim suraǵany da mańyzdy emes edi. Danesh Baibolatovpen qalai kelissem, onymen de solai kelise salatyn sharýa bolatyn.
Qysqasha osy.
Abzal Quspannyń Facebook jelisindegi jazbasy
