Qazaqstandyq boksshy Ábilhan Amanqul Tokiodaǵy Olimpiada oiyndaryn jeńispen bastady, dep jazady "Ult aqparat".
75 kelige deiingi salmaqta judyryqtasqan Amanqul ózbekstandyq Fanat Qahromonovpen kezdesken bolatyn.
Birinshi raýndta eki boksshy ashyq judyryqtasty. Ekeýi de joiqyn soqqylar jasady. Alaida bes tóreshiniń bári Fanat Qahramonovqa joǵary upai berdi.
Al ekinshi raýndta Ábilhan Amanqul óz qarsylasyn nokdaýnǵa jiberdi. Ekinshi raýnd qazaqstandyq boksshynyń paidasyna sheshildi.
Úshinshi raýndta Amanquldyń djebi de, krosy da, hýky da dál tidi. Sóitip qazaqstandyq boksshy 5:0 esebimen jeńiske jetti.
Aita keteiik, Olimpiadada tórt boksshymyz qaldy. Zakir Safiýllin (63 keli) men Sáken Bibosynov (52 keli) alǵashqy jekpe-jekterin sátti ótkizgen. Búgin ringke Qamshybek Qońqabaev (91 keliden joǵary) shyǵady.
Buǵan deiin Qazaqstannyń áielder komandasy atynan Tokio Olimpiadasyna jalǵyz barǵan Nadejda Riabets (75 keli) birinshi jekpe-jekte utylsa, Serik Temirjanov (57 keli) ekinshi ainalymnan asa almady. Budan bólek, 69 keli salmaq dárejesinde Abylaihan Júsipov amerikalyq boksshyǵa jol berdi. Al Vasilii Levit (91 keli) nokaýtpen utyldy. Álem chempiony Bekzad Nurdáýletov te birinshi jekpe-jekte reseilik boksshydan jeńilip qaldy.
