قازاقستاندىق بوكسشى ەبٸلحان امانقۇل توكيوداعى وليمپيادا ويىندارىن جەڭٸسپەن باستادى, دەپ جازادى "ۇلت اقپارات".
75 كەلٸگە دەيٸنگٸ سالماقتا جۇدىرىقتاسقان امانقۇل ٶزبەكستاندىق فانات قاحرومونوۆپەن كەزدەسكەن بولاتىن.
بٸرٸنشٸ راۋندتا ەكٸ بوكسشى اشىق جۇدىرىقتاستى. ەكەۋٸ دە جويقىن سوققىلار جاسادى. الايدا بەس تٶرەشٸنٸڭ بەرٸ فانات قاحرامونوۆقا جوعارى ۇپاي بەردٸ.
ال ەكٸنشٸ راۋندتا ەبٸلحان امانقۇل ٶز قارسىلاسىن نوكداۋنعا جٸبەردٸ. ەكٸنشٸ راۋند قازاقستاندىق بوكسشىنىڭ پايداسىنا شەشٸلدٸ.
ٷشٸنشٸ راۋندتا امانقۇلدىڭ دجەبٸ دە, كروسى دا, حۋكى دا دەل تيدٸ. سٶيتٸپ قازاقستاندىق بوكسشى 5:0 ەسەبٸمەن جەڭٸسكە جەتتٸ.
ايتا كەتەيٸك, وليمپيادادا تٶرت بوكسشىمىز قالدى. زاكير سافيۋللين (63 كەلٸ) مەن سەكەن بيبوسىنوۆ (52 كەلٸ) العاشقى جەكپە-جەكتەرٸن سەتتٸ ٶتكٸزگەن. بٷگٸن رينگكە قامشىبەك قوڭقاباەۆ (91 كەلٸدەن جوعارى) شىعادى.
بۇعان دەيٸن قازاقستاننىڭ ەيەلدەر كومانداسى اتىنان توكيو وليمپياداسىنا جالعىز بارعان نادەجدا ريابەتس (75 كەلٸ) بٸرٸنشٸ جەكپە-جەكتە ۇتىلسا, سەرٸك تەمٸرجانوۆ (57 كەلٸ) ەكٸنشٸ اينالىمنان اسا المادى. بۇدان بٶلەك, 69 كەلٸ سالماق دەرەجەسٸندە ابىلايحان جٷسٸپوۆ امەريكالىق بوكسشىعا جول بەردٸ. ال ۆاسيليي لەۆيت (91 كەلٸ) نوكاۋتپەن ۇتىلدى. ەلەم چەمپيونى بەكزاد نۇردەۋلەتوۆ تە بٸرٸنشٸ جەكپە-جەكتە رەسەيلٸك بوكسشىدان جەڭٸلٸپ قالدى.
