Ekibastuzdyqtardyń 65 paiyzy otyn-energetika salasynda eńbek etedi. Qalany damytýdyń 2025 jylǵa deiingi keshendi josparynda bul másele de kórinis taýyp otyr, dep habarlaidy QazAqparat.
«Ekibastuz – elimizdiń eń iri úsh monoqalanyń biri. Sońǵy jyldary óńdeý ónerkásibiniń ósýine qaramastan, qalanyń otyn-energetika keshenine táýeldi bolýy áli de joǵary. Ekibastuz ekonomikasynyń 65%-y jáne jumys isteitin halyqtyń jartysy osy salada shoǵyrlanǵan», - dedi Palodar oblysynyń ákimi Ábilqaiyr Sqaqov Úkimet otyrysynda.
Aimaq basshysy monoqalanyń negizgi problemalaryn da atady. Olar:
- ekologiia;
- eskirgen áleýmettik infraqurylym;
- tozǵan injenerlik jeliler;
- qaladanadamdardyń kóshýi.
«Atalǵan máselelerdi sheshý úshin aýqymdy saraptamalyq jáne qoǵamdyq talqylaýdyń qorytyndysy boiynsha 114 is-sharadan turatyn qalany damytýdyń keshendi jospary ázirlendi. Is-sharalardy iske asyrý 932,8 mlrd. teńgege baǵalanady. Jeke investitsiialardyń úlesi – 89,5%, iaǵni biýdjettik 1 teńgege 9 teńge jeke investitsiialar tartylady», - dedi Ábilqaiyr Sqaqov.
