sýret ashyq derekkózden alyndy
Qarjy naryǵyn retteý jáne damytý agenttiginiń tóraǵasy Mádina Ábilqasymova 2021 jyldan bastap problemalyq qaryzy bar qazaqstandyqtardyń sany ósip jatqanyn aitty, - dep habarlaidy Massaget.kz.
Onyń aitýynsha, elimizdegi jeke tulǵalardyń nesieleriniń jalpy kólemi - 18 trillion teńge, al qaryz alýshylardyń sany 8 millionnan asady. Keiingi 3 jylda tutynýshylyq kredit berý segmentinde ósim baiqalǵan.
"Ulttyq banktiń dereginshe, 2021 jyldan bastap kepilsiz tutynýshylyq kreditterdiń ortasha jyldyq ósýi 33 paiyz bolǵan. Biyl 8 aida tutynýshylyq kreditter portfeli 9,2 trillion teńgeden asady. Ekinshi deńgeili bankterdiń problemalyq qaryzdar deńgeii 5,2 paiyz nemese 0,5 trillion teńgeden asty. Merzimi ótken krediti bar qaryz alýshylar sany 516 myń adamdy nemese qaryz alýshylardyń jalpy sanynan 7 paiyzyna teń", - dedi tóraǵa Májilistegi Parlamenttik tyńdaýda.
Mádina Ábilqasymova qazir bankter ótelmengen kreditterdi esepten shyǵaryp jatqanyn atap ótti.
"512 myń qaryz alýshy boiynsha balanstan esepten shyǵarylǵan kreditter kólemi 434 mln teńgege deiin jetti. Ótken jyly mikroqarjy sektorynda tutynýshylyq mikrokreditter portfeli 46 paiyzǵa ósti. Biyl 8 aida ol 11 paiyzǵa ulǵaiyp, 1 trln teńgege jetti", - dedi ol.
Agenttik tóraǵasy qaryzyn qaitara almaityn turǵyndardyń sany óskenin jetkizdi.
"Problemalyq qaryzdar 8,8 paiyzǵa teń, olar 2021 jyldan beri 180 paiyzǵa ulǵaiyp, 98 milliard teńge boldy. 2021 jyldan bastap problemalyq qaryz alýshylar sany 190 myńnan adamnan 347 myń adamǵa deiin ósti", - dedi Mádina Ábilqasymova.
Eske salaiyq, 2023 jyldyń 1 sáýirindegi jaǵdai boiynsha Qazaqstanda 7 millionnan asa adam bankten nesie alǵan. Nesieniń jalpy somasy sol kezde 15 trillion teńgeden asqan.
Osylaisha, jarty jylǵa jeter-jetpes ýaqyt ishinde qaryz alýshylardyń sany million adamǵa artyp, nesieniń jalpy somasy 3 trillion teńgege artqan.
