سۋرەت اشىق دەرەككٶزدەن الىندى
قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆا 2021 جىلدان باستاپ پروبلەمالىق قارىزى بار قازاقستاندىقتاردىڭ سانى ٶسٸپ جاتقانىن ايتتى, - دەپ حابارلايدى Massaget.kz.
ونىڭ ايتۋىنشا, ەلٸمٸزدەگٸ جەكە تۇلعالاردىڭ نەسيەلەرٸنٸڭ جالپى كٶلەمٸ - 18 تريلليون تەڭگە, ال قارىز الۋشىلاردىڭ سانى 8 ميلليوننان اسادى. كەيٸنگٸ 3 جىلدا تۇتىنۋشىلىق كرەديت بەرۋ سەگمەنتٸندە ٶسٸم بايقالعان.
"ۇلتتىق بانكتٸڭ دەرەگٸنشە, 2021 جىلدان باستاپ كەپٸلسٸز تۇتىنۋشىلىق كرەديتتەردٸڭ ورتاشا جىلدىق ٶسۋٸ 33 پايىز بولعان. بيىل 8 ايدا تۇتىنۋشىلىق كرەديتتەر پورتفەلٸ 9,2 تريلليون تەڭگەدەن اسادى. ەكٸنشٸ دەڭگەيلٸ بانكتەردٸڭ پروبلەمالىق قارىزدار دەڭگەيٸ 5,2 پايىز نەمەسە 0,5 تريلليون تەڭگەدەن استى. مەرزٸمٸ ٶتكەن كرەديتٸ بار قارىز الۋشىلار سانى 516 مىڭ ادامدى نەمەسە قارىز الۋشىلاردىڭ جالپى سانىنان 7 پايىزىنا تەڭ", - دەدٸ تٶراعا مەجٸلٸستەگٸ پارلامەنتتٸك تىڭداۋدا.
مەدينا ەبٸلقاسىموۆا قازٸر بانكتەر ٶتەلمەنگەن كرەديتتەردٸ ەسەپتەن شىعارىپ جاتقانىن اتاپ ٶتتٸ.
"512 مىڭ قارىز الۋشى بويىنشا بالانستان ەسەپتەن شىعارىلعان كرەديتتەر كٶلەمٸ 434 ملن تەڭگەگە دەيٸن جەتتٸ. ٶتكەن جىلى ميكروقارجى سەكتورىندا تۇتىنۋشىلىق ميكروكرەديتتەر پورتفەلٸ 46 پايىزعا ٶستٸ. بيىل 8 ايدا ول 11 پايىزعا ۇلعايىپ, 1 ترلن تەڭگەگە جەتتٸ", - دەدٸ ول.
اگەنتتٸك تٶراعاسى قارىزىن قايتارا المايتىن تۇرعىنداردىڭ سانى ٶسكەنٸن جەتكٸزدٸ.
"پروبلەمالىق قارىزدار 8,8 پايىزعا تەڭ, ولار 2021 جىلدان بەرٸ 180 پايىزعا ۇلعايىپ, 98 ميلليارد تەڭگە بولدى. 2021 جىلدان باستاپ پروبلەمالىق قارىز الۋشىلار سانى 190 مىڭنان ادامنان 347 مىڭ ادامعا دەيٸن ٶستٸ", - دەدٸ مەدينا ەبٸلقاسىموۆا.
ەسكە سالايىق, 2023 جىلدىڭ 1 سەۋٸرٸندەگٸ جاعداي بويىنشا قازاقستاندا 7 ميلليوننان اسا ادام بانكتەن نەسيە العان. نەسيەنٸڭ جالپى سوماسى سول كەزدە 15 تريلليون تەڭگەدەن اسقان.
وسىلايشا, جارتى جىلعا جەتەر-جەتپەس ۋاقىت ٸشٸندە قارىز الۋشىلاردىڭ سانى ميلليون ادامعا ارتىپ, نەسيەنٸڭ جالپى سوماسى 3 تريلليون تەڭگەگە ارتقان.
