«Turan Álem» bankiniń top-menedjeri Erjan Tátishevti óltirgeni úshin sottalǵan kásipker Murathan Toqmádi 6 jyldan soń shartty túrde merziminen buryn bosatylatyn boldy.
Bul týraly aqparatty Almaty oblystyq sotynyń baspasóz qyzmeti rastady.
2024 jylǵy 26 shildede Qonaev qalalyq soty Murathan Toqmádidi merziminen buryn bosatý týraly ótinishin maquldady.
Eske sala ketsek, 2017 jyly Murathan Toqmádi bankir Erjan Tátishevti óltirgenin moiyndaǵan bolatyn. Sondai-aq, ol shetelde jasyrynyp júrgen bankir Muhtar Ábilázovtyń buiryǵymen áreket etkenin jáne onyń tarapynan 4 million dollar ýáde etilgenin aitqan edi. 2018 jylǵy 16 naýryzda Murathan Toqmádi 10,5 jylǵa bas bostandyǵynan aiyryldy.
2022 jyldyń qarashasynda Murathan Toqmádidiń áieli onyń azaptaý isi boiynsha jábirlenýshi retinde tanylǵanyn málimdedi.
