Foto: Adyrna.kz
Qazaqstandyq rejisser Elzat Eskendirdiń «Ábil» filmi 31-Vesoul halyqaralyq Aziia kinofestivalinde (Frantsiia) birden úsh mańyzdy júldeni jeńip aldy, dep habarlaidy Ult.kz.
Marapattar tizimi:
- Jury Grand Prize (Qazylar alqasynyń bas júldesi)
- Critical Jury Prize (Kinosynshylar alqasynyń júldesi)
- NETPAC Jury Prize (NETPAC qazylar alqasynyń júldesi)
Filmniń mazmuny men ereksheligi
«Ábil» filmi táýelsizdik alǵannan keiingi Qazaqstandaǵy áleýmettik-saiasi qiyndyqtar men qaraýsyz qalǵan aýyl ómirin sýretteidi. Týyndyda kolhoz-sovhozdyń taraýy, múliktiń jekeshelenýi, jemqorlyqtyń paida bolýy, sotsializmnen kapitalizmge ótýdegi halyqtyń ekiudai sezimi shynaiy beinelengen.
Filmdi halyqaralyq qazylar alqasy joǵary baǵalap, qazaq halqynyń rýhani jáne psihologiialyq kúiine tereń áleýmettik taldaý jasai alǵanyn erekshe atap ótti.
Foto: Facebook.com
Festival týraly
Vesoul halyqaralyq Aziia kinofestivali — Aziia kinosyna arnalǵan Eýropanyń eń kóne jáne bedeldi festivalderiniń biri. Ol jas rejisserlerdiń shyǵarmalaryn qoldap, olardyń halyqaralyq deńgeide tanylýyna múmkindik beredi.
Kino saparynyń jalǵasy
«Ábil» filmi buǵan deiin 29-Pýsan halyqaralyq kinofestivalinde álemdik premerasyn ótkizgen. Sonymen qatar, Gonkong halyqaralyq Aziia kinofestivali men 48-Geteborg halyqaralyq kinofestivaline qatysyp, kórermender men synshylardyń qyzyǵýshylyǵyn týdyrdy.
Frantsiiadaǵy premerada filmdi rejisser Elzat Eskendir men akter Erlan Tóleýtai tanystyrdy. Aldaǵy ýaqytta týyndy birneshe halyqaralyq kinofestivalderde kórsetiledi dep josparlanýda.
