Ábiba Abýjaqynova Túrkiianyń Antalia qalasynda ótip jatqan Grand Slam týrnirin jarqyn jeńispen bastady, dep habarlaidy "Ult aqparat".
Antalia qalasynda bastaý alǵan bairaqty básekede beldesip jatqan balýandarymyzdyń arasynda jalǵyz Ábiba alǵashqy ainalymda jeńiske jetti. Otandasymyz Grand Slam týrnirinde portýgaliialyq Brito Rakeldi ipponmen utsa, 60 kelidegi Nurqanat belgisiz sebeptermen bozkilemge shyqpady. Sondai-aq jarystyń alǵashqy kúninde synǵa túsken Ǵusman Qyrǵyzbaev (66 kg), qyzdar arasynda Tolǵanai Ábeýova (52 kg), Baqyt Qusaqbaeva (57 kg) alǵashqy ainalymnan asa almady. Endi Ábiba ekinshi ainalymda reseilik Kristina Dýdinaǵa qarsy kúresedi.
Aita keteiik, bul týrnirde álemdik reitingtiń kóshbasshylary beldesedi. 60 keli salmaqta erler arasynda 39 balýan kúresse, Ábibanyń salmaǵynda 46 dziýdoshy baqtaryn synaidy.
