ەبيبا ابۋجاقىنوۆا تٷركييانىڭ انتاليا قالاسىندا ٶتٸپ جاتقان Grand Slam تۋرنيرٸن جارقىن جەڭٸسپەن باستادى, دەپ حابارلايدى "ۇلت اقپارات".
انتاليا قالاسىندا باستاۋ العان بايراقتى بەسەكەدە بەلدەسٸپ جاتقان بالۋاندارىمىزدىڭ اراسىندا جالعىز ەبيبا العاشقى اينالىمدا جەڭٸسكە جەتتٸ. وتانداسىمىز Grand Slam تۋرنيرٸندە پورتۋگالييالىق بريتو راكەلدٸ يپپونمەن ۇتسا, 60 كەلٸدەگٸ نۇرقانات بەلگٸسٸز سەبەپتەرمەن بوزكٸلەمگە شىقپادى. سونداي-اق جارىستىڭ العاشقى كٷنٸندە سىنعا تٷسكەن عۇسمان قىرعىزباەۆ (66 كگ), قىزدار اراسىندا تولعاناي ەبەۋوۆا (52 كگ), باقىت قۇساقباەۆا (57 كگ) العاشقى اينالىمنان اسا المادى. ەندٸ ەبيبا ەكٸنشٸ اينالىمدا رەسەيلٸك كريستينا دۋديناعا قارسى كٷرەسەدٸ.
ايتا كەتەيٸك, بۇل تۋرنيردە ەلەمدٸك رەيتينگتٸڭ كٶشباسشىلارى بەلدەسەدٸ. 60 كەلٸ سالماقتا ەرلەر اراسىندا 39 بالۋان كٷرەسسە, ەبيبانىڭ سالماعىندا 46 دزيۋدوشى باقتارىن سىنايدى.
