Qazaqstannyń syrtqy ister ministri Qairat Ábdrahmanov Vengriia SIM basshysy Peter Siiiartomen kezdesýden keiin Keiki batyrdyń beinesine rekonstrýktsiia jasaǵan vengr mamandaryna alǵys bildirdi.
"Men osy múmkindikti paidalana otyryp, vengrlik tarapqa, onyń basshylyǵy men úkimetine, sonymen qatar vengr mamandaryna Keiki batyrdyń beinesine rekonstrýktsiia jasaǵany úshin zor alǵys bildirgim keledi", — dedi Ábdrahmanov birlesken baspasóz máslihaty barysynda.
Esterińizge sala keteiik, ótken jyldyń tamyz aiynda Sochidegi kezdesý barysynda sol kezde premer-ministr qyzmetin atqarǵan Kárim Másimov reseilik áriptesine ótinish bildirip, Keiki batyr men Kenesary handardyń súiegin qaitarýdy suraǵan bolatyn. Dmitrii Medvedev óz kezeginde bul másele boiynsha kómektesýge ýáde bergen.
Al 2016 jyly 6 qazan kúni tańerteń Keiki batyrdyń bas súiegi Astanaǵa jetkizildi. Batyrdyń súiegi DNQ analizin júrgizý jáne beinesin qalpyna keltirý úshin Vengriianyń Jaratylystaný ǵylymdary mýzeiiniń bas direktory Zoltan Korshoshke berildi. Keiinnen batyrdyń bas súiegi elge qaitaryldy.
