Búgin Qyzylorda oblys ákimi qyzmetine taǵaiyndalǵan Gúlshara Ábdiqalyqova aimaqtaǵy koronavirýspen kúres boiynsha atqarylyp jatqan jumystarmen tanysty, dep habarlaidy "Ult aqparat".
G.Ábdiqalyqova aldymen oblystyq juqpaly aýrýlar aýrýhanasyna bardy.Úsh qabatty ǵimaratta ornalasqan emdeý orny 1989 jyldan beri jumys isteidi. Onda oblystyq densaýlyq saqtaý basqarmasynyń basshysy Jaqsylyq Ábdýsametov óńirde koronavirýs indetiniń aldyn alý baǵytyndy atqarylyp jatqan sharalar týraly baiandady. Koronavirýsqa qarsy kúres jónindegi aimaqtyq shtab otyrysynyń sheshimine sáikes, barlyǵy 100 provizorlyq statsionar ashylǵan. Onyń 30-y oblystyq juqpaly aýrýlar aýrýhanasynda, 70-i oblystyq balalar men jasóspirimderge arnalǵan týberkýlezge qarsy sanatoriiasynda ornalastyryldy. Sonymen qatar, karantinge oqshaýlaý maqsatynda oblys boiynsha barlyǵy 850 tósek oryn daiyndalǵan.
Aimaq basshysy aýrýhanalarda tósek oryndaryn kóbeitýdi jáne koronavirýs aýrýynyń aldyn alý boiynsha jumystardy kúsheitýdi tapsyrdy.
«Memleket basshysy koronavirýs indetiniń taralýyna bailanysty elimizde tótenshe jaǵdai jariialady. Bul jaǵdaida meditsina qyzmetkerlerine úlken jaýapkershilik artylady. Emdeý mekemelerinde tósek ornyn kóbeitý qajet. Virýstyń taralýyn aldyn alý jáne emdeý úshin kúsheitilgen rejimde qyzmet jasaityn bolamyz», - dedi Gúlshara Naýshaqyzy.
Munan soń oblys ákimi ulttyq saraptama ortalyǵy jumysymen tanysty. Qyzylorda qalasynda ornalasqan QR DSM taýarlar men kórsetiletin qyzmetterdiń sapasy men qaýipsizdigin baqylaý komiteti Ulttyq saraptama ortalyǵynyń filialy qajetti quraldarmen jabdyqtalǵan. Test qondyrǵylarynyń sany - 800 dana. Qyzmetkerler qorǵanysh kostiými, betperde jáne qolǵappen qamtamasyz etilgen. Aǵymdaǵy jyldyń 30 naýryzynda qosymsha meditsinalyq buiymdar jetkiziledi dep josparlanýda.
Aita keteiik, Qyzylorda oblysynda koronavirýsty infektsiiasynyń taralýyn boldyrmaý jónindegi sanitariialyq-epidemiiaǵa qarsy jáne sanitariialyq-profilaktikalyq is-sharalardy úilestirý maqsatynda komissiia qurylǵan.
Sondai-aq, koronavirýsty infektsiiamen aýyrǵan nemese oǵan kúdikti naýqasty kirgizbeý jáne aýrýdyń taralýyn boldyrmaýǵa baǵyttalǵan indetke qarsy sharalardyń keshendi jospary bekitildi.
Budan buryn Qyzylordada koronavirýs juqtyrǵandarmen bailanysta bolǵan 30 adam anyqtalǵan bolatyn.
