بٷگٸن قىزىلوردا وبلىس ەكٸمٸ قىزمەتٸنە تاعايىندالعان گٷلشارا ەبدٸقالىقوۆا ايماقتاعى كوروناۆيرۋسپەن كٷرەس بويىنشا اتقارىلىپ جاتقان جۇمىستارمەن تانىستى, دەپ حابارلايدى "ۇلت اقپارات".
گ.ەبدٸقالىقوۆا الدىمەن وبلىستىق جۇقپالى اۋرۋلار اۋرۋحاناسىنا باردى.ٷش قاباتتى عيماراتتا ورنالاسقان ەمدەۋ ورنى 1989 جىلدان بەرٸ جۇمىس ٸستەيدٸ. وندا وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ەبدۋسامەتوۆ ٶڭٸردە كوروناۆيرۋس ٸندەتٸنٸڭ الدىن الۋ باعىتىندى اتقارىلىپ جاتقان شارالار تۋرالى باياندادى. كوروناۆيرۋسقا قارسى كٷرەس جٶنٸندەگٸ ايماقتىق شتاب وتىرىسىنىڭ شەشٸمٸنە سەيكەس, بارلىعى 100 پروۆيزورلىق ستاتسيونار اشىلعان. ونىڭ 30-ى وبلىستىق جۇقپالى اۋرۋلار اۋرۋحاناسىندا, 70-ٸ وبلىستىق بالالار مەن جاسٶسپٸرٸمدەرگە ارنالعان تۋبەركۋلەزگە قارسى ساناتوريياسىندا ورنالاستىرىلدى. سونىمەن قاتار, كارانتينگە وقشاۋلاۋ ماقساتىندا وبلىس بويىنشا بارلىعى 850 تٶسەك ورىن دايىندالعان.
ايماق باسشىسى اۋرۋحانالاردا تٶسەك ورىندارىن كٶبەيتۋدٸ جەنە كوروناۆيرۋس اۋرۋىنىڭ الدىن الۋ بويىنشا جۇمىستاردى كٷشەيتۋدٸ تاپسىردى.
«مەملەكەت باسشىسى كوروناۆيرۋس ٸندەتٸنٸڭ تارالۋىنا بايلانىستى ەلٸمٸزدە تٶتەنشە جاعداي جارييالادى. بۇل جاعدايدا مەديتسينا قىزمەتكەرلەرٸنە ٷلكەن جاۋاپكەرشٸلٸك ارتىلادى. ەمدەۋ مەكەمەلەرٸندە تٶسەك ورنىن كٶبەيتۋ قاجەت. ۆيرۋستىڭ تارالۋىن الدىن الۋ جەنە ەمدەۋ ٷشٸن كٷشەيتٸلگەن رەجيمدە قىزمەت جاسايتىن بولامىز», - دەدٸ گٷلشارا ناۋشاقىزى.
مۇنان سوڭ وبلىس ەكٸمٸ ۇلتتىق ساراپتاما ورتالىعى جۇمىسىمەن تانىستى. قىزىلوردا قالاسىندا ورنالاسقان قر دسم تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸ ۇلتتىق ساراپتاما ورتالىعىنىڭ فيليالى قاجەتتٸ قۇرالدارمەن جابدىقتالعان. تەست قوندىرعىلارىنىڭ سانى - 800 دانا. قىزمەتكەرلەر قورعانىش كوستيۋمٸ, بەتپەردە جەنە قولعاپپەن قامتاماسىز ەتٸلگەن. اعىمداعى جىلدىڭ 30 ناۋرىزىندا قوسىمشا مەديتسينالىق بۇيىمدار جەتكٸزٸلەدٸ دەپ جوسپارلانۋدا.
ايتا كەتەيٸك, قىزىلوردا وبلىسىندا كوروناۆيرۋستى ينفەكتسيياسىنىڭ تارالۋىن بولدىرماۋ جٶنٸندەگٸ سانيتارييالىق-ەپيدەميياعا قارسى جەنە سانيتارييالىق-پروفيلاكتيكالىق ٸس-شارالاردى ٷيلەستٸرۋ ماقساتىندا كوميسسييا قۇرىلعان.
سونداي-اق, كوروناۆيرۋستى ينفەكتسييامەن اۋىرعان نەمەسە وعان كٷدٸكتٸ ناۋقاستى كٸرگٸزبەۋ جەنە اۋرۋدىڭ تارالۋىن بولدىرماۋعا باعىتتالعان ٸندەتكە قارسى شارالاردىڭ كەشەندٸ جوسپارى بەكٸتٸلدٸ.
بۇدان بۇرىن قىزىلوردادا كوروناۆيرۋس جۇقتىرعاندارمەن بايلانىستا بولعان 30 ادام انىقتالعان بولاتىن.
