Abaidyń «tolyq adam» ilimi jan-jaqty ári tereń zerttelýge tiis. QR Prezidenti Qasym-Jomart Toqaev Egemen Qazaqstan gazetinde jariialanǵan «Abai – rýhani reformator» atty maqalasynda osylai málimdedi, dep habarlaidy "Ult aqparat".
«Qazir elimizde abaitanýmen ainalysatyn birneshe ǵylymi-zertteý ortalyǵy bar. Osylardyń jumysyn júielep, elordamyzdaǵy Abai akademiiasynyń tóńiregine toptastyrǵan jón. Akademiia barlyq zertteý mekemeleriniń jumysyn ǵylymi turǵydan úilestirýshi mindetin atqara alady. Aldaǵy ýaqytta gýmanitarlyq pánderdiń bólinbes bólshegi retinde «Abaitaný» kýrsyn oqytý máselesin qolǵa alý kerek. Jańa filosofiialyq jáne saiasi ustanym turǵysynan «Abaitaný» oqýlyǵy men hrestomatiiasyn ázirleý qajet. Sondai-aq Abaidyń «tolyq adam» ilimi jan-jaqty ári tereń zerttelýge tiis. Biz Abaidy HIH ǵasyrda ómir súrip, HHI ǵasyrdyń sózin sóilegen danyshpan retinde álemge tanytýymyz kerek» - dedi Memleket basshysy.
Qazaqstan Prezidenti sonymen qatar Abaidy ulttyq sanany jańǵyrtýǵa zor yqpal etken rýhani reformator retinde dáripteýge mindetti ekendigimizdi basa aitady.
«Túptep kelgende, árbir qazaq Abaimen maqtanýǵa tiis! Halqymyzdyń uly perzentiniń torqaly toiy qutty bolsyn!», - dep túiindeidi oiyn Qasym-Jomart Toqaev.
