Almaty qalasynda bir ai ishinde kene shaqqan 214 azamat dárigerlerdiń kómegine júgingen. Olardyń jartysynan kóbi bala eken.
31-arnanyń “Informbiýro” baǵdarlamasynyń habarlaýynsha, qaita qaýipti jándikten zardap shekken turǵyndardyń birde birinen kongo-gemmoragiialyq qyzbasy anyqtalmapty.
Elimizdiń ońtústiginde de keneden keletin qaýip kúsheigen.
Ásirese Qyzylorda oblysynda kún raiy kúrt jylynǵandyqtan ziiankester erte oianǵan. Onyń ústine óńirde biyl kongo-qyrym bezgeginiń oshaǵy sanalatyn eldimekender sany artqan eken. Qazir sanitar mamandar zalalsyzdandyrý jumystaryna belsene kirisken.
Al kóktem bastalǵaly jalpy óńirde 72 turǵyndy kene shaǵyp, meditsinalyq kómek alypty. Ziiankes jándikten zardap shekkenderdiń deni qala turǵyndary. Sondyqtan aq halattylar qaýipti jándik shaqqan jaǵdaida, óz betinshe em jasamai, birden aýrýhanaǵa kelý keregin eskertedi.
"Qyzyordada qazirge deiin kene shaqqan 54 adam tirkeldi. Olardyń bári meditsinalyq kómekke júgingen. Olar ambýlatoriialyq em qabyldap jatyr. Aimaqtaǵy emhanalarda 14 kún baqylaýda bolady. Kongo-gemmoragiialyq qyzbasyna kúdiktiler tirkelgen joq", – dedi Qyzylorda qalalyq sanitariia-epidemiologiialyq baqylaý basqarmasynyń bas mamany Aigúl Mýsieva.
