Abaidyń «Jańa zakon» óleńi tabyldy. Bul týraly «Rýhaniiat» klýbynyń jetekshisi, aqyn Almahan Muhametqaliqyzy habarlady.
«Elbasynyń «Rýhani jańǵyrý» baǵdarlamasy aiasyna sai kelgen qazaq rýhaniiatyna súbeli bir úlken úles qosyldy! Abai shyǵarmashylyǵynyń jańa belesin toltyrǵan eleýli jańalyqty Semeilik ǵalym Asan Omarov tapty. Osy jańalyqty esti salysymen Astana qalasyndaǵy №81 shet tilder mektebiniń «Rýhaniiat» úiirmesi ǵalymnyń jańalyǵyn bólisip, óleńniń qalai tabylǵany jóninde jas ulandarmen birge tanymdyq sabaq ótkizedi», deidi Almahan Muhametqaliqyzy.
Ǵalym Asan Omarovpen kezdesý, tanymdyq sabaq 1 naýryz kúni, saǵat 15- te, Jaǵalaý shaǵyn aýdany, I.Omarov kóshesi 2, №81 shet tili mektebinde ótedi.
«Elge tarap úlgermegen rýhani-ádebi jańalyqpen bólisý múmkindigi, aqparat quraldary ókilderiniń ǵalymmen suhbattasýy, jańalyqty elmen bólisýi úshin erteń atalǵan ýaqytta barlyq aqparat quraldary ókilderin atalǵan meken-jaida, kórsetilgen ýaqytta kútemiz», deidi kezdesý keshin uiymdastyrýshylar.
