Qazaqstan elshiligi QR Ulttyq akademiialyq kitaphanasymen birlesip, Abaidyń alǵash ret slovak tiline aýdarylǵan «Qara sózderiniń» onlain-tusaýkeserin ótkizdi, dep habarlaidy "Ult aqparat" Syrtqy ister ministrligine silteme jasap.
Úlken qashyqtyq Abai shyǵarmashylyǵyn baǵalaýshylar úshin kedergi bolǵan joq. Uly qazaq filosofy men aǵartýshysynyń 175 jyldyq mereitoiyna orailastyrylǵan onlain-is-shara eki eldiń akademiialyq toptary men shyǵarmashylyq ziialy qaýym ókilderiniń basyn qosty.
Is-sharany ashqan Qazaqstan elshisi Roman Vasilenko Abaidyń «Qara sózderi» qazaq jáne álem ádebietiniń damýy men qalyptasýyna ólsheýsiz úles qosqanyn atap ótti. «Qazaq tilinen aýdarǵanda bul ataý óziniń tereń filosofiialyq maǵynasy bar jáne onyń danalyq sózderiniń syni, tipti ózin-ózi syni sipatyn kórsetetin «Qara sózder» degendi bildiredi. Prezident Qasym-Jomart Toqaev «Abai jáne 21 ǵasyrdaǵy Qazaqstan» atty maqalasynda bul týraly, sondai-aq Abai shyǵarmashylyǵynyń qazirgi Qazaqstan úshin neni bildiretini týraly óte anyq aitqan bolatyn. Bul kitapty basyp shyǵarý slovaktarǵa qazaqtardyń tarihy men qazirgi Qazaqstandy jaqsyraq túsinýge múmkindik beredi jáne bizdiń eki halqymyz ben eki elimizdi odan da jaqyndatady dep úmittenemiz», − dedi qazaqstandyq diplomat.
Shyǵarma álemniń kóptegen tilderine aýdarylǵan jáne slovak oqyrmandaryna alǵash ret usynylyp otyr.
Jańa kitap slovak joǵary oqý oryndarynyń kitaphana qoryna jáne Slovakiianyń qoǵamdyq kitaphanalaryna jiberiledi.
Sharaǵa Bratislavadaǵy Ekonomika ýniversitetiniń professory, buryn Bilim jáne ǵylym ministrliginiń memlekettik hatshysy bolǵan jáne Slovakiianyń Parlamentinde Qazaqstanmen dostyq tobynyń múshesi Olga Nahtmanova jáne aýdarmanyń avtory, filologiia ǵylymdar kandidaty Katarina Strelkova qatysty.
Qazaqstandyq taraptan prezentatsiiaǵa Qazaqstan Respýblikasy Ulttyq akademiialyq kitaphanasynyń basshysy Úmithan Muńalbaeva, Aqyn, Qazaqstan jazýshylary odaǵynyń tóraǵasy Ulyqbek Esdáýlet; M. Áýezov atyndaǵy Ádebiet jáne óner institýtynyń doktory, Qazaqstannyń eńbek sińirgen qairatkeri, filologiia ǵylymdardyń doktory Svetlana Viktorovna Ananeva atsalysty.
Abai Qunanbaiulynyń shyǵarmalary qazaq jáne álem ádebietiniń klassikasyna ainaldy. Uly qazaq oishyldyń «Qara sózder» atty eń jarqyn týyndysy 45 ósiet áńgimeden ne filosofiialyq traktattan turady.
«Qara sózder» – oqyrmanǵa úndeý, onymen syrlasý tárizdi suhbat jáne halyqtyń taǵdyry aiasynda bólek bir adamnyń ómirindegi filosofiia.
