QR Parlamenti Májilisiniń depýtaty Qazybek Isa Prezident Joldaýyna qatysty pikir bildirdi, dep habarlaidy QazAqparat.
Depýtattyń aitýynsha, Memleket basshysy málimdegen «Jańa Qazaqstandy» qurýǵa naqty qadam jasaldy dep nyq senimmen aitýǵa bolady.
«Budan bylai Prezident eshqandai partiia múshesi bolmaidy. Ákimder men olardyń orynbasarlaryna partiia filialdaryn basqarýǵa tyiym salynady. Parlamentke endi eshqandai partiiada joq halyq ókilderi de sailana alady. Ár aimaqtan Májiliske bir-bir ókil sailana alady. Parlament sailaýy 70 paiyz - proportsionaldyq, 30 paiyz - majoritarlyq júiemen sailanady. Parlamenttiń ókilettigi kúsheiedi. Partiia qurý úshin burynǵy mejeden 4 ese az 5 myń múshe jetkilikti bolady. Bul parlamenttegi partiialar sanyn kóbeitedi. Konstitýtsiialyq sot qaita qurylady», - dep jazdy depýtat.
Sondai-aq ol jańa oblystardyń ashylýymen quttyqtady.
Prezident joldaýynda «Aq jol» partiiasynyń baǵdarlamasyndaǵy usynystardyń basym bóligi oryndalyp jatqanyna qýanyshty ekenin jetkizdi.
«Mysaly, Parlamenttiń ókilettigin keńeitý, Prezidenttiń partiiada bolmaýy, ákimderdiń partiia filialdaryn basqarmaýy jáne Semeidi qaita oblys etip ashý nemese jeke statýs berý týraly partiia tóraǵasy, Májilis depýtaty Azat Perýashev parlamentte talai kótergen bolatyn. Biz úsh-tórt jyl buryn Semei qalasyna Abaidyń atyn berý kerek dep jazǵanymyzda kópshiligi qoldaǵanmen, qarsy shyqqandar da bolyp edi. Mine, endi qala túgili oblysqa berildi Uly Abaidyń aty. Parlamentte halyq múddesin qorǵap kele jatqan «Aq jol» partiiasy saiasi baǵdarlamasynyń basym bóligi Prezident Joldaýynda qoldaý taýyp, iske asyp jatqany úshin halyqqa da, qurylǵanyna búgin 20 jyl tolyp jatqan partiiamyzǵa da zor tartý dep bilemiz. Iá, Jańa dáýirdi jasaýǵa bárimiz óz úlesimizdi qosýymyz kerek», - dep jazdy Qazybek Isa.
