© Photo : Abai oblysynyń ákimdigi
Abai Qunanbaiulynyń 180 jyldyǵyna orai Abai oblysy men Esik qalasyndaǵy "Bilim-Innovatsiia" litseileriniń ákeler keńesi men ustazdary tarihi-tanymdyq saparǵa shyqty. Bul týraly oblys ákimdigi habarlady.
Olar jalpy uzyndyǵy shamamen 180 shaqyrym bolatyn Semei – Bórili – Aqshoqy – Jidebai baǵytyn úsh kún júrip ótken. Bul sapar Abai álemine taǵzym retinde uiymdastyrylǵan.
"Sapar Bórilidegi Muhtar Áýezovtiń mýzei-úiinen bastaldy. Qatysýshylar kiiz úi tigip, ulttyq taǵam ázirlep, dastarhan jaidy. Semeilik ákeler saparlastaryna shapan jaýyp, iltipat kórsetse, Qońyr áýlie basynda Esik qalasynyń ákeleri de qurmet bildirdi", - delingen habarlamada.
Bórili men Aqshoqy arasyndaǵy 36 shaqyrym joldy atpen júrip ótken top Aqshoqyda qonyp, kelesi kúni Qunanbai qajy ziratyna baryp, quran baǵyshtaǵan. Kúshikbai batyr bulaǵy, Qunanbai Óskenbaiuly murajaiy, Áigerim bulaǵy, Qońyr áýlie úńgiri, Abaidyń murajai-úii, Jidebai qorymy jáne Keńgirbai bi kesenesi syndy kieli mekenderde bolyp, taǵzym etken.
Tarihi sapardy ákeler keńesi uiymdastyrǵan. Maqsaty – Abai murasyna qurmet kórsetý arqyly ulttyq rýhty dáriptep, ata-ana men pedagog arasyndaǵy rýhani bailanys pen yntymaqtastyqty nyǵaitý.
