Foto: QR AShM
2019 jyly 21 jastaǵy Aidyn Serikqazin erekshe ideiasy úshin «Atameken» kásipkerler palatasynan 505 myń teńge grant jeńip aldy. Onyń maqsaty – qymyzdan balmuzdaq jasaý bolatyn. 2020 jyly ol «Biznestiń jol kartasy-2025» baǵdarlamasy aiasynda taǵy 5 mln teńge kóleminde qaitarymsyz grantqa ie boldy, dep habarlaidy Ult.kz.
Bul qarjyǵa jas kásipker Semei qalasynda qymyz ben saýmaldan balmuzdaq shyǵaratyn shaǵyn tseh ashty. Aidyn óz ónimin «Qazice» dep atap, avtorlyq quqyq pen patent rásimdedi.
Búginde Qazice brendi Qazaqstannyń birneshe qalasynda tanymal. Astana, Almaty, Balqash, Óskemen, Semei qalalary men Alakól demalys oryndarynda qymyz, saýmal jáne túrli jemisterden jasalǵan 18-den astam balmuzdaq túrleri satylady.
Kásipker aldaǵy ýaqytta Shymkent pen Túrkistan qalalarynda satý núktelerin ashýdy josparlap otyr. Ónim halyq arasynda joǵary suranysqa ie bolyp, ulttyq brendke ainalýda.
Sonymen qatar, Qazice brendi shetelde tanylý úshin geografiialyq kórsetkishti tirkeýge ótinim berdi. Bul qadam ulttyq ónimdi álemdik deńgeige shyǵarýǵa múmkindik beredi.
