Foto: gov.kz
Abai oblysynda jol apatynan zardap shekken balalar Astanadaǵy aýrýhanadan shyǵaryldy, dep habarlaidy elorda ákimdiginiń resmi saity.
Abai oblysynyń Úrjar aýdanynda 21 tamyz kúni jol-kólik oqiǵasynan zardap shekken eki bala shuǵyl túrde Astana qalasyndaǵy №2 kópsalaly qalalyq balalar aýrýhanasyna jetkizildi. Ul bala men qyz balanyń jaǵdaiy óte aýyr dep baǵalandy. Dárigerler olardyń jaraqattarynyń aýyrlyǵyn eskerip, birden jansaqtaý bólimine jatqyzdy. Sol jerde ota jasalyp, qajetti em-sharalardyń tolyq kesheni júrgizildi.
Eki apta balalar táýlik boiy dárigerlerdiń jiti baqylaýynda boldy. Dárigerlerdiń kásibi biliktiligi men der kezinde atqarǵan sharalarynyń arqasynda naýqastardyń jaǵdaiy turaqtandyryldy. Búginde balalardyń hali jaqsy, oń dinamika baiqalady, ambýlatorlyq em alýǵa úiine jiberildi.
«Eki bala kóptegen jaraqatpen tústi. Dárigerler kúrdeli ota jasady. Qazirgi tańda ul men qyzdyń jaǵdaiy jaqsy: belsendi, shaǵymdary joq, tábetteri saqtalǵan», – dedi aýrýhananyń orynbasary Dinat Erikuly.
Búldirshinderdiń ata-anasy dárigerlerdiń kásibiligi men janashyrlyǵy úshin alǵys aityp, aq halattylarǵa shynaiy rizashylyqtaryn bildirdi.
