فوتو: gov.kz
اباي وبلىسىندا جول اپاتىنان زارداپ شەككەن بالالار استاناداعى اۋرۋحانادان شىعارىلدى, دەپ حابارلايدى ەلوردا ەكٸمدٸگٸنٸڭ رەسمي سايتى.
اباي وبلىسىنىڭ ٷرجار اۋدانىندا 21 تامىز كٷنٸ جول-كٶلٸك وقيعاسىنان زارداپ شەككەن ەكٸ بالا شۇعىل تٷردە استانا قالاسىنداعى №2 كٶپسالالى قالالىق بالالار اۋرۋحاناسىنا جەتكٸزٸلدٸ. ۇل بالا مەن قىز بالانىڭ جاعدايى ٶتە اۋىر دەپ باعالاندى. دەرٸگەرلەر ولاردىڭ جاراقاتتارىنىڭ اۋىرلىعىن ەسكەرٸپ, بٸردەن جانساقتاۋ بٶلٸمٸنە جاتقىزدى. سول جەردە وتا جاسالىپ, قاجەتتٸ ەم-شارالاردىڭ تولىق كەشەنٸ جٷرگٸزٸلدٸ.
ەكٸ اپتا بالالار تەۋلٸك بويى دەرٸگەرلەردٸڭ جٸتٸ باقىلاۋىندا بولدى. دەرٸگەرلەردٸڭ كەسٸبي بٸلٸكتٸلٸگٸ مەن دەر كەزٸندە اتقارعان شارالارىنىڭ ارقاسىندا ناۋقاستاردىڭ جاعدايى تۇراقتاندىرىلدى. بٷگٸندە بالالاردىڭ حالٸ جاقسى, وڭ ديناميكا بايقالادى, امبۋلاتورلىق ەم الۋعا ٷيٸنە جٸبەرٸلدٸ.
«ەكٸ بالا كٶپتەگەن جاراقاتپەن تٷستٸ. دەرٸگەرلەر كٷردەلٸ وتا جاسادى. قازٸرگٸ تاڭدا ۇل مەن قىزدىڭ جاعدايى جاقسى: بەلسەندٸ, شاعىمدارى جوق, تەبەتتەرٸ ساقتالعان», – دەدٸ اۋرۋحانانىڭ ورىنباسارى دينات ەرٸكۇلى.
بٷلدٸرشٸندەردٸڭ اتا-اناسى دەرٸگەرلەردٸڭ كەسٸبيلٸگٸ مەن جاناشىرلىعى ٷشٸن العىس ايتىپ, اق حالاتتىلارعا شىنايى ريزاشىلىقتارىن بٸلدٸردٸ.
