Igor Lepeha. Foto: t.me/KZgovernment
QR Ishki ister ministriniń orynbasary Igor Lepeha Abai oblysyndaǵy túrmede sottalǵandardyń jappai pyshaqtasqany jaily túsinik berdi, dep habarlaidy Kazinform agenttigi.
«Iá, onda (Abai oblysyndaǵy burynǵy organ qyzmetkerleri otyratyn túrmede - red.) rasymen kisi ólimi boldy. Ol (jazasyn óteýshi - red.) pyshaqty ózi jasap alǵan. Ókinishke qarai, bul - bizdiń qyzmetkerlerdiń salǵyrttyǵy. Beinebaqylaý kameralaryn qarap shyqtyq. Sol sátte onda eki adam ǵana bolǵan, bóten eshkim joq. Ekeýi de – jazasyn óteýshi, biraq kameralas emes. Oqiǵa kúndiz bolǵan. Basqa egjei-tegjeiin aita almaimyn. Bul is boiynsha qylmystyq is qozǵaldy. Bizdiń qyzmetkerler jaýapkershilikke tartyldy. Bul mekeme boiynsha tekseris júrip jatyr», - dedi Igor Lepeha.
Aita ketsek, Semei qalasyndaǵy №19 koloniiada UQK tóraǵasynyń eks-orynbasarlary Dáýlet Erǵojin men Ánýar Sadyqulov, UQK Almaty qalasy boiynsha departamentiniń burynǵy bastyǵy Nurlan Majilov jáne eks-qorǵanys ministri Murat Bektanov jazasyn ótep jatyr.
