Foto: videodan alynǵan kadr
Abai oblysyndaǵy tabiǵi órt oqshaýlandy, dep habarlaidy QR Tótenshe jaǵdailar ministrliginiń baspasóz qyzmeti.
-Qabyldanǵan sharalardyń arqasynda Abai oblysynyń Besqaraǵai aýdanyndaǵy tabiǵi órt oqshaýlandy, - delingen QR Tótenshe jaǵdailar ministrliginiń baspasóz qyzmeti taratqan aqparatta.
Sondai-aq onda órtti sóndirý jumystary jalǵasyp jatqany aitylady.
Baspasóz qyzmeti sonymen qatar Abai oblysyndaǵy órt bolǵan jerdi áýeden barlaý júrgizilgeni aitylǵan jáne jaǵdai únemi baqylaýda.
TJM atalǵandarmen qosa Pavlodar oblysy Baianaýyl aýdanyndaǵy 20 gektar alqaptaǵy órttiń sóndirilgenin málim etti.
Aita keteiik, osyǵan deiin 4 sáýir kúni tústen keiin Besqaraǵai aýdanyna qarasty Qoianbai aýyly mańynda qurǵaq shóp órtengeni týraly aqparat túskeni týraly habarladyq.
Jeldiń ekpinimen órt «Semei ormany» tabiǵi rezervatynyń Morozov filialy aýmaǵyna taralǵan. Oqiǵa ornyna dereý órt sóndirý bólimderi, arnaiy tehnika men orman sharýashylyǵy qyzmetkerleri jumyldyryldy.
Sondai-aq keshe, Baianaýyl ulttyq parkindegi órt aýyzdyqtalǵany habarlandy.
