© Photo: QR TJM baspasóz qyzmeti
Abai oblysyndaǵy alapat órtti sóndirý jumystary áli jalǵasyp jatyr. Sonymen qatar orman sharýashylyǵynyń 14 qyzmetkeri izdestirilýde, - dep habarlaidy "Ult aqparat".
Óńir ákimdigi baspasóz qyzmetiniń málimetinshe, 9 maýsym Premer-ministrdiń birinshi orynbasary Roman Skliar Abai oblysyndaǵy tabiǵi órtti sóndirý jónindegi Tótenshe jaǵdailar ministri Ahýaldyq ortalyǵynyń bazasynda jedel respýblikalyq shtab otyrysyn ótkizdi.
Otyrys barysynda oqiǵa ornynan oblys ákimi Nurlan Uranhaev pen tótenshe jaǵdailar jónindegi vitse-ministr general-maior Marat Kúldikovtiń baiandamalary tyńdaldy.
"9 maýsymda saǵat 16.00-degi jaǵdai boiynsha órtti sóndirýge jeke quramnyń 662 adamy jáne 177 tehnikasy, 6 tikushaǵy jumyldyrylǵan.
Aviatsiialyq tehnikamen 80 ret 192 tonna kóleminde sý shashyldy. Qazirgi ýaqytta orman sharýashylyqtarynyń 14 qyzmetkerimen bailanys úzilgen. Olardy izdeý sharalary júrgizilip jatyr.
Qalyptasqan jaǵdaidy eskere otyryp, Astana qalasy jáne Qaraǵandy oblysynyń tótenshe jaǵdailar departamentterinen 133 adam jáne 48 tehnika, sondai-aq qosymsha 4 tikushaq jiberý týraly sheshim qabyldandy" - delingen habarlamada.
