© Photo: قر تجم باسپاسٶز قىزمەتٸ
اباي وبلىسىنداعى الاپات ٶرتتٸ سٶندٸرۋ جۇمىستارى ەلٸ جالعاسىپ جاتىر. سونىمەن قاتار ورمان شارۋاشىلىعىنىڭ 14 قىزمەتكەرٸ ٸزدەستٸرٸلۋدە, - دەپ حابارلايدى "ۇلت اقپارات".
ٶڭٸر ەكٸمدٸگٸ باسپاسٶز قىزمەتٸنٸڭ مەلٸمەتٸنشە, 9 ماۋسىم پرەمەر-مينيستردٸڭ بٸرٸنشٸ ورىنباسارى رومان سكليار اباي وبلىسىنداعى تابيعي ٶرتتٸ سٶندٸرۋ جٶنٸندەگٸ تٶتەنشە جاعدايلار مينيسترٸ احۋالدىق ورتالىعىنىڭ بازاسىندا جەدەل رەسپۋبليكالىق شتاب وتىرىسىن ٶتكٸزدٸ.
وتىرىس بارىسىندا وقيعا ورنىنان وبلىس ەكٸمٸ نۇرلان ۇرانحاەۆ پەن تٶتەنشە جاعدايلار جٶنٸندەگٸ ۆيتسە-مينيستر گەنەرال-مايور مارات كٷلدٸكوۆتٸڭ باياندامالارى تىڭدالدى.
"9 ماۋسىمدا ساعات 16.00-دەگٸ جاعداي بويىنشا ٶرتتٸ سٶندٸرۋگە جەكە قۇرامنىڭ 662 ادامى جەنە 177 تەحنيكاسى, 6 تٸكۇشاعى جۇمىلدىرىلعان.
اۆياتسييالىق تەحنيكامەن 80 رەت 192 توننا كٶلەمٸندە سۋ شاشىلدى. قازٸرگٸ ۋاقىتتا ورمان شارۋاشىلىقتارىنىڭ 14 قىزمەتكەرٸمەن بايلانىس ٷزٸلگەن. ولاردى ٸزدەۋ شارالارى جٷرگٸزٸلٸپ جاتىر.
قالىپتاسقان جاعدايدى ەسكەرە وتىرىپ, استانا قالاسى جەنە قاراعاندى وبلىسىنىڭ تٶتەنشە جاعدايلار دەپارتامەنتتەرٸنەن 133 ادام جەنە 48 تەحنيكا, سونداي-اق قوسىمشا 4 تٸكۇشاق جٸبەرۋ تۋرالى شەشٸم قابىلداندى" - دەلٸنگەن حابارلامادا.
