Foto: QR TJM baspasóz qyzmeti
Qazirgi ýaqytta Abai oblysyndaǵy 3 ýchaskede órtti sóndirý jumystary júrgizilip jatyr. Órttiń taralýy toqtatyldy, órt sóndirý jekelegen oshaqtarda júrgiziledi, dep habarlaidy "Ult aqparat" Tótenshe jaǵdailar ministrliginiń baspasóz qyzmetine silteme jasap.
Vedomstvo málimetterine qaraǵanda, jeldiń kúsheiýine bailanysty Tuzdy kól aýdanyndaǵy úshinshi ýchaskede órt tómennen joǵaryǵa aýysty. Órtti sóndirý úshin 20 tehnika, jeke quramnan 64 adam jumyldyryldy.
Órttiń taralýynyń aldyn alý maqsatynda mańaidaǵy jerler jyrtylǵan. Aldyn ala boljam boiynsha órttiń aýdany 1500 ga quraidy.
"Berezovka sanatoriii (108 adam, 36 úi), Berezovka podhozy (169 adam, 53 úi) eldimekenderine qaýip tónip otyr. Órt ornyna deiingi qashyqtyq shamamen 5-7 km. Ol jerge 4 birlik tehnika baǵyttaldy.
Orman órtin sóndirýge barlyǵy 100 birlik tehnika (onyń ishinde 1 órt poezy) jáne 2 tikushaq, sondai-aq 402 adam ("Semei Ormany" MOTR-66 birlik tehnikasyia, 231 adamy, TJM 28 birlik tehnikasy, 1 tikushaǵy, 144 adamy, QTJ 1 órt poezy, 10 adamy, JAO 5 birlik tehnikasy, 7 adamy, Qazaviaormanqorǵaýdyń 1 tikushaǵy, 6 adam ekipajy, 1 ÝAZ, 4 adam) jumyldyryldy.
Odan bólek, orman órtin "Qazaviaqutqarý" AQ MI-873 jáne "Qazaviaqutqarý" sý aǵyzý qurylǵysy bar MI-8 tikushaqtary sóndirip jatyr. Qazirgi ýaqytta 59 ret sý aǵyzyldy (157,5 tonna.)" - delingen habarlamada.
TJM-de jáne Departamenttiń daǵdarys ortalyǵynda, sondai-aq jergilikti jerde jedel shtabtar uiymdastyrylǵan. Jedel jeli telefondary jumys istep jatyr.
"Qazgidromet" derekteri boiynsha 24-26 mamyrda Abai oblysynyń Borodýliha aýdanynda ekpini 15-20 m/s deiin bolatyn soltústik-shyǵysqa baǵyttalǵan jel kútiledi.
