© Photo: QR TJM baspasóz qyzmeti
Abai oblysyndaǵy orman órti boiynsha qylmystyq is qozǵaldy, dep habarlaidy "Ult aqparat" Bas prokýratýranyń baspasóz qyzmetine silteme jasap.
"9 maýsymda Abai oblysynyń orman alqabynda oryn alǵan órt deregi boiynsha QR Qylmystyq kodeksi 292-babynyń 3-bóligi boiynsha sotqa deiingi tergep-tekserý bastaldy (abaisyzda eki jáne odan da kóp adamnyń ólimine ákep soqqan órt qaýipsizdigi talaptaryn buzý). Memleket basshysynyń tapsyrmasyna sai qylmystyq is arnaiy prokýrorlardyń is júrgizýine qabyldandy. Quqyq qorǵaý jáne arnaiy organdardyń tájiribeli qyzmetkerleri qatarynan vedomstvoaralyq jedel-tergeý toby quryldy.
Sonymen qatar adamdardyń qaza bolýyna jáne qorshaǵan ortaǵa eleýli ziian keltirýge ákep soqqan aýyr zardaptardy nazarǵa ala otyryp, arnaiy prokýror salǵyrttyq faktisi boiynsha qylmystyq isti tirkedi. Ony tergep-tekserý aiasynda jaýapty laýazymdy adamdardyń is-áreketterine tiisti quqyqtyq baǵa beriledi" - delingen habarlamada.
