Foto: Qorǵanys ministrligi
Abai oblysyndaǵy Aiagóz garnizonyń áskeri qyzmetkeri kóz jumdy. Aiagóz garnizony baspasóz qyzmetiniń málimetine súiensek, oqiǵa 19 qyrkúiekte bolǵan, dep habarlaidy "Ult aqparat".
«Jumystan tys ýaqytta Aiagóz garnizonyndaǵy áskeri bólimderdiń birinde qyzmet etetin ofitserdiń denesi úiinen tabyldy. Aldyn ala aqparat boiynsha ofitser óz-ózine qol jumsaǵan. Oqiǵanyń jai-japsary anyqtalyp jatyr. Atalǵan fakti boiynsha qylmystyq is qozǵaldy», — delingen aqparatta.
Qurlyq áskerleriniń qolbasshylyǵy áskeri qyzmetkerdiń týǵan-týystaryna kóńil aitty.
Eske salsaq, 17 qyrkúiekte Almatyda áskeri qyzmetshi tapanshadan jaraqat alǵany habarlanǵan.
