Foto: Pexels.com
Abai oblysyna qarasty Aiagóz aýdanynda jylý berý júiesinde aqaý oryn alyp, 16 qazan kúni saǵat 15:00-de jelide D159 klapany isten shyqqan. Alaida qazandyqtardyń jumysy toqtaǵan joq, dep habarlaidy Kazinform HAA.
Oblys ákimdiginiń málimetinshe, aqaý saǵat 16:00-de tolyq joiylyp, jylý parametrleri qalpyna keltirildi. Qazir jylý jelilerin tartý jumystary tolyǵymen aiaqtalyp, magistraldy transheialardy toltyrý sharalary júrgizilýde. Barlyq nysandarǵa jylý tolyq berilgen.
Eske sala ketsek, Aiagózde áleýmettik nysandar 5 qazanda ortalyq jylý júiesine qosylsa, turǵyn úilerge jylý 15 qazanda berilgen bolatyn.
Sonymen qatar, buǵan deiin Saran qalasynyń turǵyndary da jylý júiesindegi aqaýǵa bailanysty 4 kún boiy jylýsyz qalǵan edi.
