Foto:elements.envato.com
Joldaǵy janjalǵa bailanysty adam óltirý oqiǵasy: Abai oblysynda alqabilerdiń qatysýymen alǵashqy sot otyrysy ótti, - dep habarlaidy Tengrinews.kz Abai oblysy prokýratýrasyna silteme jasap.
Qazylar alqasy byltyr Úrjar aýylynda bolǵan atyshýly isti qarady. Sol kezde jergilikti kásipker qaitys bolǵan edi.
"Daýys berýshilerdiń ortaq pikiri boiynsha sottalýshy A.-nyń atys qarýyn qoldana otyryp, buzaqylyq nietpen N.-ny óltirgen kinási týraly sheshim qabyldandy. Kisi óltirý sebebi joldaǵy qarapaiym jaǵdai boldy, onda sottalýshyǵa júrgizýshiniń minez-qulqy unamaǵan. Sottalýshy jolda avtokólikti toqtatýdy talap etken", - delingen oblys prokýratýrasy habarlamasynda.
Abai oblysynyń qylmystyq ister jónindegi mamandandyrylǵan aýdanaralyq sotynyń úkimi boiynsha Úrjar aýylynyń turǵyny kináli dep tanylyp, 15 jylǵa bas bostandyǵynan aiyryldy. Úkim zańdy kúshine engen joq.
