فوتو:elements.envato.com
جولداعى جانجالعا بايلانىستى ادام ٶلتٸرۋ وقيعاسى: اباي وبلىسىندا القابيلەردٸڭ قاتىسۋىمەن العاشقى سوت وتىرىسى ٶتتٸ, - دەپ حابارلايدى Tengrinews.kz اباي وبلىسى پروكۋراتۋراسىنا سٸلتەمە جاساپ.
قازىلار القاسى بىلتىر ٷرجار اۋىلىندا بولعان اتىشۋلى ٸستٸ قارادى. سول كەزدە جەرگٸلٸكتٸ كەسٸپكەر قايتىس بولعان ەدٸ.
"داۋىس بەرۋشٸلەردٸڭ ورتاق پٸكٸرٸ بويىنشا سوتتالۋشى ا.-نىڭ اتىس قارۋىن قولدانا وتىرىپ, بۇزاقىلىق نيەتپەن ن.-نى ٶلتٸرگەن كٸنەسٸ تۋرالى شەشٸم قابىلداندى. كٸسٸ ٶلتٸرۋ سەبەبٸ جولداعى قاراپايىم جاعداي بولدى, وندا سوتتالۋشىعا جٷرگٸزۋشٸنٸڭ مٸنەز-قۇلقى ۇناماعان. سوتتالۋشى جولدا اۆتوكٶلٸكتٸ توقتاتۋدى تالاپ ەتكەن", - دەلٸنگەن وبلىس پروكۋراتۋراسى حابارلاماسىندا.
اباي وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ ٷكٸمٸ بويىنشا ٷرجار اۋىلىنىڭ تۇرعىنى كٸنەلٸ دەپ تانىلىپ, 15 جىلعا باس بوستاندىعىنان ايىرىلدى. ٷكٸم زاڭدى كٷشٸنە ەنگەن جوق.
