Foto: instagram.com/oo_osa_semey_vko
Abai oblysynda politseiler habar-osharsyz ketken turǵyndy izdep jatyr, - dep habarlaidy Tengrinews.kz.
Abai oblysy Politsiia departamenti Besqaraǵai aýdanynyń politsiia bólimine Dolan aýylynyń turǵyny, 1987 jyly týǵan Sergei Nikolaevichtiń týystary kómek surap júgingen. Olardyń sózinshe, Sergei Arhipov 10 maýsymda óziniń traktorymen órt sóndirýge kómektesýge ketken.
Jedel shtab aqparaty boiynsha Dolan orman sharýashylyǵynyń traktorshysy Sergei Arhipov 10 maýsymnan bastap bailanysqa shyqpai qalǵan.
Politsiia qyzmetkerleri Tótenshe jaǵdailar ministrligimen birlesip, onyń ornalasqan jerin anyqtaý boiynsha izdestirý is-sharalaryn júrgizedi. Izdeýge jeke quram qatysady. Sondai-aq, er adam mingen kólik quralyn anyqtaý úshin aýmaqta tikushaqpen sholý júrgizilip jatyr.
"Sergei Arhipovtyń ornalasqan jeri boiynsha qandai da bir málimetter bolsa, 102 telefonyna nemese jaqyn jerdegi politsiia bólimshesine habarlaýyńyzdy ótinemiz", - delingen jergilikti politsiia habarlamasynda.
