فوتو: instagram.com/oo_osa_semey_vko
اباي وبلىسىندا پوليتسەيلەر حابار-وشارسىز كەتكەن تۇرعىندى ٸزدەپ جاتىر, - دەپ حابارلايدى Tengrinews.kz.
اباي وبلىسى پوليتسييا دەپارتامەنتٸ بەسقاراعاي اۋدانىنىڭ پوليتسييا بٶلٸمٸنە دولان اۋىلىنىڭ تۇرعىنى, 1987 جىلى تۋعان سەرگەي نيكولاەۆيچتٸڭ تۋىستارى كٶمەك سۇراپ جٷگٸنگەن. ولاردىڭ سٶزٸنشە, سەرگەي ارحيپوۆ 10 ماۋسىمدا ٶزٸنٸڭ تراكتورىمەن ٶرت سٶندٸرۋگە كٶمەكتەسۋگە كەتكەن.
جەدەل شتاب اقپاراتى بويىنشا دولان ورمان شارۋاشىلىعىنىڭ تراكتورشىسى سەرگەي ارحيپوۆ 10 ماۋسىمنان باستاپ بايلانىسقا شىقپاي قالعان.
پوليتسييا قىزمەتكەرلەرٸ تٶتەنشە جاعدايلار مينيسترلٸگٸمەن بٸرلەسٸپ, ونىڭ ورنالاسقان جەرٸن انىقتاۋ بويىنشا ٸزدەستٸرۋ ٸس-شارالارىن جٷرگٸزەدٸ. ٸزدەۋگە جەكە قۇرام قاتىسادى. سونداي-اق, ەر ادام مٸنگەن كٶلٸك قۇرالىن انىقتاۋ ٷشٸن اۋماقتا تٸكۇشاقپەن شولۋ جٷرگٸزٸلٸپ جاتىر.
"سەرگەي ارحيپوۆتىڭ ورنالاسقان جەرٸ بويىنشا قانداي دا بٸر مەلٸمەتتەر بولسا, 102 تەلەفونىنا نەمەسە جاقىن جەردەگٸ پوليتسييا بٶلٸمشەسٸنە حابارلاۋىڭىزدى ٶتٸنەمٸز", - دەلٸنگەن جەرگٸلٸكتٸ پوليتسييا حابارلاماسىندا.
