Abai oblysynyń politseileri quldyqta júrgen múgedek adamdy qutqardy, - dep habarlaidy Polisia.kz.
Abai oblysynyń politseileri jedel-profilaktikalyq is-sharalardy júrgizý barysynda adam eńbegin qanaý deregin anyqtaǵan. Jarma aýdany Shar qalasy PB politsiia qyzmetkerine aýmaǵyndaǵy sharýa qojalyqtarynyń biriniń basshysy qońyraý shalyp, jańa jumysshy jaldaǵanyn habarlaǵan. Sharýa qojalyǵyna kelgen politsiia qyzmetkeri jumysqa jańadan kirisken jaldamaly er adamnyń qujattary joqtyǵyn anyqtaǵan, sondai-aq ol politseige óziniń saýalnamalyq derekterin de aita almaǵan.
Bir shikiliktiń baryn sezgen tártip saqshysy iesi jábirlenýshiniń qasynan ketken kezde onyń tegin bilip alǵan. Odan ári politsiia qyzmetkeri jábirlenýshiniń ápkesin anyqtaidy. Belgili bolǵandai, ol baýyrymen 2010 jyldan beri bailanys úzgen. Er adam Jarma aýdanyndaǵy sharýa qojalyqtarynyń birinen tabyldy. Ol conda jumys istegen.
Tergeý barysynda 2010 jyldyń qarashasynan bastap 26 jastaǵy er adamnyń 11 sharýa qojalyǵynda quldyqta bolǵany anyqtaldy. Buǵan deiin birneshe ret sottalǵan Semeidiń 54 jastaǵy turǵyny Tarbaǵatai aýdanynyń 26 jastaǵy turǵynymen Tuǵyl aýylyna balyq aýlaýǵa barǵanda tanysqany málim boldy.
"Fizikalyq turǵydan jetilgen jas jigittiń psihikalyq aýytqýyn baiqaǵan ol jigitti sharýashylyqta jumys kúshi retinde paidalaný týraly oiǵa kelgen. Jábirlenýshini 12 jyldan asa ýaqyt boiy Semei qalasy, Abai, Ulan jáne Jarma aýdandaryndaǵy sharýa qojalyqtarynda jumys isteý úshin satqan. 54 jastaǵy azamat sharýa qojalyq ielerine ózin jigittiń týysymyn dep tanystyrǵan. Olardan aldyn ala jalaqysyn alyp, qaltasyna basyp otyrǵan. Jábirlenýshiniń jyldar boiy eńbegine berilgen aqy 2 million teńge bolǵan", - delingen politsiia habarlamasynda.
Sonymen qatar, qaskói múgedektiń ai saiynǵy zeinetaqy jinaqtary men áleýmettik tólemderin jymqyryp otyrǵan. Zalaldyń jalpy somasy 4 million teńgeden asady.
"Qazirgi ýaqytta jábirlenýshi týystaryna tabystaldy, al kúdikti Jarma aýdanynyń aýdandyq sotymen 128-babynyń 2-bóligi 2, 8, 11, 12-bólekteri ("Adam saýdasy") jáne Qazaqstan Respýblikasy Qylmystyq kodeksiniń 190-baby 1-tarmaǵynyń 3-bóligi ("Alaiaqtyq") boiynsha kináli dep tanyldy. Sot úkimimen qaýipsizdigi ortashada koloniiada 4 jyl 6 aiǵa bas bostandyǵynan aiyrý jazasy taǵaiyndaldy", – deidi Abai oblysy PD bastyǵynyń orynbasary Nariman Kúldikov.
