Foto: Abai oblystyq PD
Abai oblysynda KSRO tólqujaty bar turǵyndar anyqtaldy. Bul týraly Abai oblysy PD kóshi-qon qyzmeti basqarmasy habarlady.
Bul jaǵdai 2024 jylǵy 1 shilde men 31 jeltoqsan aralyǵynda azamattyǵy joq jáne mártebesi belgisiz adamdardy anyqtaý jáne qujattaý jónindegi sáikestendirý úshin ótkizilip jatqan naýqannyń ekinshi kezeńiniń aiasynda anyqtalǵan.
Kóp jaǵdaida bul ártúrli sebeptermen qiyn ómirlik jaǵdaiǵa tap bolǵan, qujattardyń bolmaýyna bailanysty jáne áleýmettik igilikterge qol jetkize almaityn jáne resmi jumysqa ornalasý múmkindigi joq adamdar sanaty ekeni aitylady.
"Abai oblysy PD kóshi-qon qyzmeti basqarmasy aýdandyq bólimshelermen birlesip, qujattarsyz turatyn 13 adamdy, sondai-aq 1974 jylǵy úlgidegi KSRO pasporttaryn anyqtady, onyń ishinde 2 azamat Qazaqstan Respýblikasy azamatynyń jeke basyn kýálandyratyn qujattardy aldy.
Abai oblysy Politsiia departamenti qandai da bir sebeptermen jeke basyn kýálandyratyn qujattary joq azamattarǵa Qazaqstan Respýblikasynda turatyn jeri boiynsha kóshi-qon qyzmetine júginýge keńes beredi", - delingen basqarma habarynda.
