Foto: polisia.kz
Abai oblysynda qos azamattyqpen júrgen er adam elden shyǵaryldy, - dep habarlaidy "Ult aqparat" Polisia.kz saityna silteme jasap.
Qazaqstan zańnamasy boiynsha, kez kelgen basqa el azamattyǵyn alǵannan keiin adam kúntizbelik 30 kún ishinde qazaqstandyq úlgidegi pasport pen jeke kýálikti tapsyrýǵa jáne azamattyǵynan aiyrylǵanyn tirkeýge mindetti. Alaida, Qazaqstannyń keibir turǵyndary basqa memlekettiń azamattary bola otyryp, Qazaqstanǵa kirý jáne turý úshin qazaqstandyq qujattardy paidalanady.
Azamattar Qazaqstannyń áleýmettik, zeinetaqy jáne basqa da jeńildikterin paidalaný úshin azamattyqtyń aýysý deregi týraly habarlaýǵa asyqpaidy.
"Máselen, biyl qarashada kóshi-qon qyzmetiniń qyzmetkerleri Semeidiń 33 jastaǵy turǵynyn anyqtady, ol 2023 jyldyń shildesinde Resei Federatsiiasynyń azamattyǵyn alǵan, alaida ol týraly málimdemegen jáne sáikesinshe Qazaqstan Respýblikasynyń azamattyǵyn joǵaltýdy ýaqytyly resimdemegen", – dedi Abai oblysy PD KQQB bastyǵy orynbasarynyń mindetin atqarýshy Baýyrjan Imangajanov.
Sot sheshimi boiynsha, quqyq buzýshy Qazaqstan Respýblikasynyń aýmaǵynan tys shyǵarý túrinde QR ÁQBtK-niń 496-baby 2 bóligi boiynsha ákimshilik jaýapkershilikke tartylǵan. Quqyq buzýshydan Qazaqstan Respýblikasy azamatynyń pasporty tárkilenip, Qazaqstan azamattyǵynan aiyrylý rásimdeldi.
"Abai oblysy Politsiia departamenti kóshi-qon qyzmeti basqarmasy Konstitýtsiiaǵa sáikes Qazaqstan Respýblikasynyń azamaty basqa memlekettiń azamattyǵyn bolyp tabylmaitynyn eskertedi".
