Foto: instagram.com/oo_osa_semey_vko
Senat kýlýarynda jýrnalister premer-ministrdiń orynbasary – eńbek jáne halyqty áleýmettik qorǵaý ministri Tamara Dúisenovadan orman sharýashylyǵy qyzmetkeri Sergei Arhipov Abai oblysyndaǵy órtten qaza tapqandar tizimine qosyla ma jáne onyń otbasyna qandai kómek kórsetiletinin surady, - dep habarlaidy Tengrinews.kz.
Dúisenovanyń aitýynsha, bul máselelermen Abai oblysynda jumys isteitin úkimettik komissiia ainalysady. Biraq marqum traktorshynyń otbasy eshqandai jaǵdaida memleket kómeginsiz qalmaidy.
"Olar qurǵan qor tarapynan qandai áleýmettik qoldaý kórsetiletinin komissiia anyqtaidy. Al áleýmettik saqtandyrý qory boiynsha, memlekettik biýdjet, eger onyń (Arhipov. – esk.) asyraýynda adamdar bolsa, onda asyraýshysynan aiyrylý jaǵdaiy boiynsha memlekettik áleýmettik járdemaqy jáne memlekettik áleýmettik saqtandyrý qorynan tólenetin áleýmettik tólemder mindetti túrde taǵaiyndalady. Qatysqan-qatyspaǵanyna qaramastan (órtti sóndirýge. - esk.) bul qarajat tólenedi", - dedi Dúisenova.
