Foto: elements.envato.com
Abai oblysynda enesi men kelini qarjy piramidasyn qurǵany úshin sottaldy, - dep habarlaidy Tengrinews.kz saity oblystyq Qylmystyq-atqarý júiesi departamentine silteme jasap.
Is materialdaryna sáikes, azamatsha A-nyń 2020 jyly asa iri kólemde aqsha jinaýdan paida tabý maqsatynda qylmystyq niet paida bolǵan.
"Osy maqsatta A esimdi áiel qarjy piramidasyn qurý jáne basqarý josparyn jasady. Oǵan ol óziniń kelini E esimdi áieldi tartty. Berilgen tapsyrmaǵa sáikes, kelini salymshylardy tartýmen, olardyń tizimin jasaýmen, aýdarylǵan qarajattarynyń esebin júrgizýmen jáne olardy salymshylar arasynda qaita bólýmen ainalysqan", - dedi vedomstvo ókilderi.
Alǵa qoiǵan maqsattaryna jetý úshin áielder WhatsApp jelisi men Telegram arnasynda top ashqan. Onda salymshylardy tartý úshin olar marketingtik josparlar túrindegi aqparatty ornalastyrǵan.
"Olar piramidaǵa qatysýshylardy úiretý úshin "qoraptar" dep atalatyn top ashyp, ol jerde paiyzdar boiynsha salymdar men tólemderdiń mólsherin anyqtap otyrǵan. 2020 jyldyń qańtar-shilde ailary aralyǵynda asa iri mólsherde 230 million teńgege jýyq qarajat jinaǵan.
Sot olardy Qylmystyq kodekstiń 217-baby (qarjylyq piramidany qurý jáne oǵan basshylyq etý) boiynsha kináli dep tanylyp, azamattardyń qarajaty men investitsiialaryn tartýǵa bailanysty qyzmetpen ainalysý quqyǵynan aiyra otyryp, bes jyl merzimge bas bostandyǵynan aiyrý jazasyn taǵaiyndady. Jazasyn eń tómengi qaýipsizdik qylmystyq-atqarý júiesi mekemesinde óteidi", - dedi qylmystyq atqarý departamenti ókilderi.
