Foto: TJM baspasóz qyzmeti
Abai oblysyndaǵy órtti sóndirý jedel shtabynyń málimetinshe, izdeý jumystary barysynda qaza tapqan 11 adamnyń denesi tabyldy.
Olardyń jeke basy anyqtalyp jatyr.
Esterińizge sala keteiik, buǵan deiin orman sharýashylyǵynyń joǵalǵan úsh qyzmetkeriniń máiiti tabylǵan bolatyn. Osylaisha, qaza tapqandar sany 14-ke jetti.
Sońǵy aqparat boiynsha, Abai oblysynda 9 ýchaskede órtti sóndirý jumystary jalǵasyp jatyr. Órtti sóndirýge TJM, Orman sharýashylyǵy komitetinen, JAO jáne Qorǵanys ministrliginen 1000-nan astam adam, shamamen 252 tehnika jumyldyrylǵan.
Jetisý jáne Qaraǵandy oblystarynan jiberilgen kúsh-quraldar órtti sóndirýge kirisken. Al Almaty qalasy, Almaty oblysy TJD, Qaraǵandy men Almaty oblystarynan TJD, 52859 jáne 28237 áskeri bólimderiniń áskeri qyzmetkerleri, sondai-aq jyljymaly basqarý pýnkti órt ornyna bara jatyr.
