Foto: Abai oblysy ákimdiginiń baspasóz qyzmeti
Abai oblysyndaǵy órt oshaqtarynyń basym bóligi oqshaýlandy, jaǵdai turaqtalyp keledi, dep habarlaidy "Ult aqparat" óńir ákimdiginiń baspasóz qyzmetine silteme jasap.
Abai oblysy ákiminiń orynbasary Dimitrii Garikov Kamyshenka ormanshylyǵy aýmaǵynda órt oqshaýlanǵanyn jáne jumystar Ýspen ormanshylyǵynda jalǵasyp jatqanyn atap ótti. Ol sondai-aq eldi mekenderge qaýip tónbeitinin aitty.
«Búgingi tańda jaǵdai baqylaýda. Jalyn sharpyǵan aýmaq - 60 myń ga. Órtti sóndirýge jeke quramnyń 922 adamy, 200-ge jýyq tehnika men 8 tikushaq jumyldyrylǵan.
Bizde úsh damý oshaǵy boldy. Eki oshaqta órt basyldy, batys shetinde - Kashtak ormanshylyǵynda órt órshi tústi. Al Kamyshenka ormanshylyǵynyń aýmaǵynda órt is júzinde oqshaýlandy, Ýspen ormanshylyǵynda da oqshaýlaý jumysy júrip jatyr. Búgingi tańda eldi mekenderge qaýip tónip turǵan joq. Qazir halyq úilerine oralyp jatyr, qaýip tolyǵymen joiyldy.
Astana, Qaraǵandy oblysy, Semei, ShQO TJD kúshteri men quraldary, sondai-aq 200 adamnan turatyn Qorǵanys ministrliginiń kúshteri men quraldary tartyldy. Semei ormany» rezervatynyń barlyq derlik kúsh-quraldary tartyldy", - dedi oblys ákiminiń orynbasary.
QR TJM órtke qarsy qyzmet komitetiniń tóraǵasy Nurbolat Derbisov jaǵdaidyń birtindep turaqtanyp kele jatqanyn rastady.
"Órtti sóndirý jumystary jalǵasyp jatyr. Aýa-raiy óte qiyn boldy, biraq qazir órt sóndirýshilerdiń jumysynyń arqasynda jaǵdai birtindep turaqtanyp keledi. Negizgi ot oshaqtary ǵarysh monitoringi arqyly tirkelgen. Órttiń jalpy aýdany shamamen 60 myń gektardy quraidy. Basqa salalardan qosymsha kúsh-quraldardy tartý nátije berdi, jaǵdai bizdiń baqylaýymyzda. Evakýatsiialanǵan azamattar birtindep úilerine oralady», - dep qorytyndylady Nurbolat Derbisov.
