فوتو: اباي وبلىسى ەكٸمدٸگٸنٸڭ باسپاسٶز قىزمەتٸ
اباي وبلىسىنداعى ٶرت وشاقتارىنىڭ باسىم بٶلٸگٸ وقشاۋلاندى, جاعداي تۇراقتالىپ كەلەدٸ, دەپ حابارلايدى "ۇلت اقپارات" ٶڭٸر ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
اباي وبلىسى ەكٸمٸنٸڭ ورىنباسارى ديميتريي گاريكوۆ كامىشەنكا ورمانشىلىعى اۋماعىندا ٶرت وقشاۋلانعانىن جەنە جۇمىستار ۋسپەن ورمانشىلىعىندا جالعاسىپ جاتقانىن اتاپ ٶتتٸ. ول سونداي-اق ەلدٸ مەكەندەرگە قاۋٸپ تٶنبەيتٸنٸن ايتتى.
«بٷگٸنگٸ تاڭدا جاعداي باقىلاۋدا. جالىن شارپىعان اۋماق - 60 مىڭ گا. ٶرتتٸ سٶندٸرۋگە جەكە قۇرامنىڭ 922 ادامى, 200-گە جۋىق تەحنيكا مەن 8 تٸكۇشاق جۇمىلدىرىلعان.
بٸزدە ٷش دامۋ وشاعى بولدى. ەكٸ وشاقتا ٶرت باسىلدى, باتىس شەتٸندە - كاشتاك ورمانشىلىعىندا ٶرت ٶرشي تٷستٸ. ال كامىشەنكا ورمانشىلىعىنىڭ اۋماعىندا ٶرت ٸس جٷزٸندە وقشاۋلاندى, ۋسپەن ورمانشىلىعىندا دا وقشاۋلاۋ جۇمىسى جٷرٸپ جاتىر. بٷگٸنگٸ تاڭدا ەلدٸ مەكەندەرگە قاۋٸپ تٶنٸپ تۇرعان جوق. قازٸر حالىق ٷيلەرٸنە ورالىپ جاتىر, قاۋٸپ تولىعىمەن جويىلدى.
استانا, قاراعاندى وبلىسى, سەمەي, شقو تجد كٷشتەرٸ مەن قۇرالدارى, سونداي-اق 200 ادامنان تۇراتىن قورعانىس مينيسترلٸگٸنٸڭ كٷشتەرٸ مەن قۇرالدارى تارتىلدى. سەمەي ورمانى» رەزەرۆاتىنىڭ بارلىق دەرلٸك كٷش-قۇرالدارى تارتىلدى", - دەدٸ وبلىس ەكٸمٸنٸڭ ورىنباسارى.
قر تجم ٶرتكە قارسى قىزمەت كوميتەتٸنٸڭ تٶراعاسى نۇربولات دەربٸسوۆ جاعدايدىڭ بٸرتٸندەپ تۇراقتانىپ كەلە جاتقانىن راستادى.
"ٶرتتٸ سٶندٸرۋ جۇمىستارى جالعاسىپ جاتىر. اۋا-رايى ٶتە قيىن بولدى, بٸراق قازٸر ٶرت سٶندٸرۋشٸلەردٸڭ جۇمىسىنىڭ ارقاسىندا جاعداي بٸرتٸندەپ تۇراقتانىپ كەلەدٸ. نەگٸزگٸ وت وشاقتارى عارىش مونيتورينگٸ ارقىلى تٸركەلگەن. ٶرتتٸڭ جالپى اۋدانى شامامەن 60 مىڭ گەكتاردى قۇرايدى. باسقا سالالاردان قوسىمشا كٷش-قۇرالداردى تارتۋ نەتيجە بەردٸ, جاعداي بٸزدٸڭ باقىلاۋىمىزدا. ەۆاكۋاتسييالانعان ازاماتتار بٸرتٸندەپ ٷيلەرٸنە ورالادى», - دەپ قورىتىندىلادى نۇربولات دەربٸسوۆ.
