Foto: Polisia.kz
Abai oblysynda alaiaqtar turǵyndarǵa ózderin domofonǵa tehnikalyq qyzmet kórsetetin kompaniianyń qyzmetkerleri retinde tanystyra bastady, dep habarlaidy Abai oblystyq Politsiia departamenti
Eń áýeli olar azamattarǵa qońyraý shalyp, ózderin domofonǵa tehnikalyq qyzmet kórsetetin kompaniianyń qyzmetkerleri retinde tanystyrady. Odan soń «qosymsha kiltter jasaý» nemese «úige kiltsiz kirý qyzmetin qosý» siiaqty jalǵan qyzmetterdi usynady.
– Sol úshin podez esigin kiltsiz ashýǵa múmkindik beretin alty tańbaly «jeke kod» jiberetinin aitady. Ár páterdiń jeke kody bolatynyn jáne bul jańa, resmi qyzmet ekenin alǵa tartady.Alaida shyn máninde mundai servis múldem joq. Azamattyń kelisimin alǵan soń alaiaqtar jeke derekterdi jinaýǵa kirisedi, - dep habarlady Abai oblystyq Politsiia departamentinen.
Sóitip aldanǵan adamnyń atyna nesieler rásimdeidi. Al naǵyz domofon kompaniialary telefon arqyly jeke derekterdi suramaidy.
– Kúdik týdyratyn qońyraýlar túsken jaǵdaida áńgimeni dereý toqtatyp, bul týraly «102» jedel arnasyna habarlasyńyz, - dep eskertti politseiler.
