Foto: instagram.com/abai_department_police
Abai oblysynda pyshaq jaraqatynan jasóspirim qaitys boldy, dep habarlaidy "Ult aqparat".
Oblystyq Politsiia departamentiniń málimetinshe, 6 maýsymda oblystyq balalar klinikalyq aýrýhanasyna sý qoimasy aýmaǵynan pyshaq jaraqatymen 13 jastaǵy jasóspirim túsip, meditsinalyq mekemede kóz jumǵan.
Tekserý barysynda qaiǵyly oqiǵaǵa jasóspirimder arasyndaǵy janjal sebep bolǵany anyqtaldy.
"Atalǵan derek boiynsha QR QK 99-baby boiynsha sotqa deiingi tergeý bastaldy. Janjaldyń qatysýshylary anyqtalyp, kúdikti ýaqytsha ustaý izoliatoryna qamaldy.
Qazirgi ýaqytta tolyqtyǵy men obektivtiligin qamtamasyz etýge baǵyttalǵan birqatar tergeý áreketteri júrgizilip jatyr, olardyń nátijeleri boiynsha zańdy protsestik sheshim qabyldanady.
Qylmystyq-protsestik kodekstiń 201-babynyń 1-bóligine sáikes sotqa deiingi tergep-tekserýdiń derekteri jariialaýǵa jatpaidy" - delingen PD habarlamasynda.
