10 tamyzda qazaqtyń uly aqyny Abai Qunanbaiulynyń 175 jyldyq mereitoiy atalyp óteledi. Mereitoi aiasynda respýblika boiynsha 100-den astam shara uiymdastyrylady, dep habarlaidy "Ult aqparat" Mádeniet jáne sport ministrliginiń baspasóz qyzmetine silteme jasap.
Koronavirýs indetine bailanysty barlyq is-shara onlain formatta ótip jatqany belgili. 10 tamyz kúni de Hákim Abai mereitoiy aiasyndaǵy respýblika kólemindegi bar is-shara onlain túrinde uiymdastyrylady.
Sonymen 10 tamyzǵa Semeidegi Abaidyń «Jidebai-Bórili» memlekettik tarihi-mədeni jəne ədebi-memorialdyq qoryǵy «Həkim Abai» atty arnaiy mədeni baǵdarlama daiyndap, is-sharalar legin Qazaqstan ulttyq telearnasyndaǵy «Tańsholpan» baǵdarlamasy arqyly tikelei efirge shyǵýmen bastaidy. Osydan keiin mereke óńirlerdegi tanymal mədeniet jəne óner qairatkerleriniń Abai shyǵarmalaryn oqýymen jalǵasady.
Dəl osy kúni Semeidegi «Jidebai-Bórili» memlekettik tarihi-mədeni jəne ədebi-memorialdyq qoryǵynda «Abai jáne HHI ǵasyr: bolashaqpen suhbat» atty halyqaralyq konferentsiia ótedi. Jiynǵa tanymal ǵalymdar, abaitanýshylar, Resei Federatsiiasy Ədebiet akademiiasynyń akademigi G. Priahin, túrli mədeni jəne JOO basshylary qatysady.
Sonymen qosa təýlik boiy internet arqyly Abai qoryq-mýzeii, «Abai-Shəkərim» mavzoleiine videoekskýrsiia jasaýǵa, Abai mýzeiindegi eksponattar jaily túrli beinebaiandar tamashalaýǵa bolady.
Jyl basynan beri aqynnyń týyp-ósken ólkesinde Abai esimimen bailanysty tarihi-mədeni mura nysandaryna ǵylymi restavratsiia jumystary júrgizilip jatqanyn aita ketý kerek.
Sonymen qatar 10 tamyzda 15:00-de halyqaralyq deńgeide Abai óleńderin halyqaralyq 8 tilde (frantsýz, aǵylshyn, arab, ispan, qytai, japon, nemis, italian tilderinde) oqýǵa arnalǵan «Abai world challenge» atty videomarafon bastaý alady. Atalǵan chellendjge Abai shyǵarmashylyǵyn zerttep júrgen əlemniń túkpir-túkpirindegi ǵalym-zertteýshiler, aýdarmashy, jazýshy, ziialy qaýym ókilderi, shet memleketterdegi Qazaqstan Respýblikasynyń Tótenshe jəne Ókiletti Elshileri qatysady.
Jalpy 10 tamyz kúni respýblika boiynsha 100-ge jýyq is-shara ótedi. Bul is-sharanyń barlyǵy Mədeniet jəne sport ministrliginiń Facebook, Instagram, Youtube paraqshalarynda tikelei kórsetiledi.
Sondai-aq osy kúni əleýmettik beinebaiandar men qysqa metrajdy filmderge arnalǵan «Abaidyń murasy – adamzat qazynasy» atty onlain-festival bastalady.
Əlemdik deńgeidegi oishyl óz shyǵarmalarynda eńbeksúigishtikti, bilimge qushtarlyqty, danalyqty, qaiyrymdylyq pen otanǵa degen mahabbatty nasihattaǵan. Əri aqyn oi men júrek tazalyǵyna airyqsha mən bergen. Hákim Abaidyń danalyǵy men filosofiialyq kózqarasy ǵasyrlar ótse de óziniń mən-mańyzy men ómirsheńdigin joimaq emes.
Biz birtutas qoǵam retinde aqyn shyǵarmalaryn tek biyl mereitoi aiasynda ǵana qurmettep qana qoimai, shyǵarmalaryn ózimizdi-ózimiz taný jolynda ainymas temirqazyqqa ainaldyrýymyz qajet.
Mereke kúni elordamyz ben óńirlerde kemeńger oishyldy eske alý maqsatynda gúl shoqtaryn qoiý rəsimi ótedi.
