10 tamyzda Qazaqstanda Abai kúni atap ótiledi. Uly aqynnyń 175 jyldyǵyna orai Respýblikalyq deńgeide shyǵarmashylyǵyna arnalǵan 500-den astam is-shara ótedi, dep habarlaidy QR Mádeniet jáne aqparat ministrligi.
Oblys ortalyqtarynda mereke Abai eskertkishterine gúl shoqtaryn qoiýdan bastalady. Sondai-aq OpenAir formatynda Abai shyǵarmalaryn oqý, ádebi keshter men karaoke is-sharalar uiymdastyrylady.
Mereke aiasynda Abaidyń «Jidebai-Bórili» memlekettik tarihi-mádeni jáne ádebi-memorialdyq murajai-qoryǵynda «Ólmeituǵyn artyna sóz qaldyrǵan...», «Kel jastar biz bir túrli jol tabalyq», «Shákirdiń Abaiǵa arnalǵan estelikteri men óleńderi» is-sharalary, «Abaidy oqy, tańyrqa...» atty jyr músháirasy, «Túrkistan tarihy» murajaiynda «Abai álemi» kórmesi ótedi.
Jastar saiasaty jelisi boiynsha ulttyq jastar onkúndigi aiasynda chellendjder men Abai shyǵarmalaryn oqý josparlanǵan.
